كەشە ەلباسى نۇرسۇلتان نازارباەۆتىڭ پاۆلودار وبلىسىنا جۇمىس ساپارى ودان ءارى جالعاستى.

بۇل كۇنى پرەزيدەنت ءبىرىنشى كەزەكتە پاۆلودار مۇناي-حيميا زاۋىتىندا بولدى. زاۋىتتى ارالاۋ بارىسىندا مەملەكەت باسشىسى جاڭا وندىرىستىك قوندىرعىلار قۇرىلىسىنا ارنالعان الاڭدى كورىپ، مۇناي حيمياسى زاۋىتىن جاڭعىرتۋ جوباسىنىڭ جۇزەگە اسۋ بارىسىمەن تانىستى.

قازاقستان پرەزيدەنتى اتالعان جوبانىڭ ماڭىزدىلىعىن اتاپ ءوتتى، ونى جۇزەگە اسىرۋ مۇناي ونىمدەرىنىڭ جوعارى ساپالى تۇر­لەرىنە دەگەن سۇرانىستى وتەۋگە مۇم­كىندىك بەرەدى.

– زاۋىتتى جاڭعىرتۋ قازاقستان ءۇشىن وتە ماڭىزدى مانگە يە جانە ول يندۋستريالاندىرۋ ۇدەرىسىنىڭ ءبىر بولىگى بولىپ سانالادى. مۇناي ءوندىرۋشى ەل بولعاندىقتان، ءبىز مۇناي ونىمدەرىنىڭ بارلىق ءتۇرىن ءوزىمىز وڭدەۋگە ءتيىسپىز، – دەپ اتاپ ءوتتى نۇرسۇلتان نازارباەۆ.

مەملەكەت باسشىسى ەڭبەك ۇجىمىنىڭ وكىلدەرىمەن اڭگىمە­لەسىپ، جۇمىس جاعدايىمەن جانە كاسىپورىننىڭ الەۋمەتتىك ساياساتىمەن تانىستى. سوڭىندا نۇرسۇلتان نازارباەۆ ۇجىمعا جۇمىستا تابىس جانە باق-بەرەكە تىلەدى.

ايتا كەتۋ كەرەك، پاۆلودار مۇناي-حيميا زاۋىتى مۇناي ونىمدەرىنىڭ وننان استام ءتۇرىن شىعارادى، كاسىپورىندا 3800 ادام جۇمىس ىستەيدى. زاۋىتتى جاڭعىرتۋ جوباسى شيكى مۇناي وڭدەۋ ونىمدىلىگىن جىلىنا 7 ميلليون تونناعا دەيىن ۇلعايتۋدى، وڭدەۋ اۋقىمىن 90 پايىزدان اسىرۋدى، ال ءونىم ساپاسىن ەۋرو-5 ستاندارتىنا جەتكىزۋدى كوزدەيدى.

وسىدان كەيىن ەلباسى «KSP Steel» جشس-ءنىڭ مەتاللۋرگيالىق كاسىپورنىنا باردى. پرەزيدەنت وندا فەرروقورىتپا جانە شاربولات ءوندىرىسىن ۇيىمداستىرۋ جونىندەگى ينۆەستيتسيالىق جوبالاردىڭ جۇزەگە اسۋ بارىسىمەن تانىستى.

قازاقستان باسشىسى زاۋىت ونىمدەرى وتاندىق ونەركاسىپتەگى جاڭا باعىت ەكەنىن جانە وعان نارىقتا سۇرانىستىڭ بارىن ايتتى.

جاڭا ءوندىرىس بولات ونىمدەرىنىڭ ساپاسىن ارتتىرۋعا مۇمكىندىك بەرەدى. جالپى، كاسىپورىننىڭ جاقسى پەرسپەكتيۆاسى بار، دەدى نۇرسۇلتان نازارباەۆ.

سونداي-اق، نۇرسۇلتان ءابىش­ۇلى وندىرىستىك كورپۋستاردى ارالاپ كوردى جانە كاسىپورىن جۇ­مىسشىلارىمەن اڭگىمەلەستى.

«KSP Steel» جشس-ءنىڭ فەر­روقورىتپا ءوندىرىسىنىڭ جوباسى جىلىنا 30 مىڭ توننا فەرروسيليكوندى اليۋميني ءوندىرۋدى كوزدەيدى. ول جوبالىق قۋاتىنا شىققاندا مۇندا 371 جۇمىس ورنى قامتاماسىز ەتىلەدى. شاربولاتتار شىعاراتىن تسەح قۇرىلىسىنىڭ جوباسى تاۋ-كەن بايىتۋ، ەنەرگەتيكالىق جانە وزگە دە كاسىپورىندارعا قاجەتتى ءارتۇرلى ديامەتردەگى ۇنتاقتاۋشى شار شىعارۋعا باعىتتالعان. جوبالىق قۋاتى جىلىنا 48 مىڭ توننا ءونىم وندىرۋگە ەسەپتەلگەن كاسىپورىندا قازىرگى تاڭدا 69 جۇمىس ورنى بار.

ساپار بارىسىندا ەلباسى پاۆ­لودار وبلىسىنىڭ جۇرت­شى­لىق وكىلدەرىمەن جانە كاسىپكەرلەرىمەن كەزدەستى.

كەزدەسۋ كەزىندە مەملەكەت باس­­شىسى قازاقستاننىڭ قۋاتتى ين­دۋس­تريالىق ورتالىعى بولىپ سانالاتىنىن ايتىپ، وبلىستىڭ بىرقاتار كاسىپورىندارىنىڭ جۇمى­سىمەن تانىسقانىن اتاپ ءوتتى.

– ءوڭىر ونەركاسىپ جانە اۋىل شارۋا­شىلىعىن قوسا قامتي وتىرىپ، بارلىق باعىتتا دامىپ كەلە­دى. شاعىن جانە ورتا بيزنەستى قول­داۋعا باسىمدىق بەرگەن ءجون، مەملەكەت بۇل سالاعا قاجەتتى جاعداي جاساۋدا، سونىڭ ىشىندە جەڭىلدىكپەن نەسيەلەر بەرىلۋدە، – دەدى نۇرسۇلتان نازارباەۆ.

مەملەكەت باسشىسى وڭىردەگى ونىمدەردىڭ ەداۋىر بولىگى وزگە وبلىستاردان، سونداي-اق رەسەيدەن اكەلىنەتىنىنە نازار اۋداردى. سوعان وراي پاۆلودار وبلىسى بار مۇمكىندىكتەردى ەسكەرە وتىرىپ، ازىق-تۇلىكپەن ءوزىن ءوزى قامتاماسىز ەتە الاتىنىن اتاپ ايتتى.

نۇرسۇلتان نازارباەۆ الداعى جيىن-تەرىن ناۋقانىنا دايىندىق جۇمىستارىن ءتيىستى دەڭگەيدە اتقارۋدى تاپسىردى.

مەملەكەت باسشىسى، سونداي-اق، حالىق تۇرمىسىن جاقسارتۋ جانە الەۋمەتتىك وزەكتى ماسەلەلەردى شەشۋ  قاجەتتىگىنە باسا ءمان بەردى. اتاپ ايتقاندا، سۋمەن قامتاماسىز ەتۋ ماسەلەسىنە نازار اۋدارۋ قاجەت، ويتكەنى 30 شاقتى ەلدى مەكەن ءالى كۇنگە دەيىن تازا اۋىز سۋعا قول جەتكىزە الماي وتىر.

قازاقستان پرەزيدەنتى وب­لىس­تىڭ ەكولوگيالىق احۋالىن جاقسار­تۋ جۇمىستارىن جۇرگىزۋدى تاپسىر­دى. سونىمەن قاتار، نۇرسۇل­تان نازارباەۆ ءوڭىردى دامىتۋ ءۇشىن قاجەتتى جاعدايلار جاسا­لىپ جاتقانىن، سوعان وراي «قازاق­ستان-2050» ستراتەگياسىندا قويىل­عان مىندەتتەردى جۇزەگە اسى­رۋعا دەن قويۋ قاجەتتىگىن اتاپ ءوتتى.

ءوڭىر جۇرتشىلىعى وكىلدەرى مەملەكەت باسشىسىنا وبلىس­تا جۇزەگە اسىرىلىپ جاتقان ماڭىز­دى جوبالار تۋرالى اڭگىمەلەپ، بولاشاق جوسپارلارى تۋرالى وي ءبو­لىستى. سونداي-اق، الەۋمەتتىك ماسە­لەلەرگە، شاعىن جانە ورتا بيزنەس­تى دامىتۋعا كوڭىل ءبولىپ وتىر­عا­نى ءۇشىن ەلباسىنا العىستارىن جەتكىزدى.

Abai.kz