بۇگىن اقوردادا وتكەن ۇكىمەتتىڭ كەڭەيتىلگەن وتىرىسىندا قر پرەزيدەنتى نۇرسۇلتان نازارباەۆ ۇكىمەت قۇرىلىمىنداعى وزگەرىستەردى جاريالاماس بۇرىن، مەملەكەتتىك قىزمەتشىلەر تاراپىنا ءبىراز سىن-ەسكەرتپەلەرىن ءبىلدىردى، دەپ حابارلايدى BNews.kz. 

پرەزيدەنت ءوز سوزىندە: «ىقشام ۇكىمەت كەرەك بىزگە. جەرگىلىكتى اتقارۋشى ورگاندار اعىمداعى ماسەلەلەردى تولىعىمەن وزدىگىنەن شەشپەيدى، ءوز مىندەتتەرى بويىنشا شەشىمدەر قابىلداماي، بارلىعىن ۇكىمەتكە جۇكتەيدى. مينيسترلەر جاۋاپكەرشىلىكتى ءوز موينىنا المايدى، جينالىستاردىڭ بىرىنەن سوڭ ءبىرىن وتكىزەدى. تارتىپكە كەلتىرۋ كەرەك. كەستە بولۋ كەرەك، ۇكىمەتتىڭ، مينيسترلىكتەردىڭ بارلىق كەڭەستەرى سەيسەنبى وتەدى، تۇسكە دەيىن - ۇكىمەت وتىرىسى، تۇستەن كەيىن مينيسترلىكتەردە وتەدى. بولدى، ادامدارعا جۇمىس ىستەۋگە مۇمكىندىك بەرىڭدەر. وبلىستاردا ايقىن كەستە جاساۋ كەرەك، ايتپەسە، كەيبىرەۋلەر وتىرىستاردا بەكەردەن-بەكەر وتىرىپ، اڭگىمە سوققاندى جاقسى كورەدى. سودان كەيىن الىپ-قاشپا اڭگىمەلەر تاراتادى. ەلىمىزدە بارلىق داقپىرت اڭگىمەلەردى مەملەكەتتىك قىزمەتشىلەر تاراتادى. مەن مۇنى جاقسى بىلەم. كومپيۋتەر الدىندا وتىرىپ الىپ، ءتۇرلى نارسەلەردى ءسوز ەتەدى، وندايلاردى ۇستاپ، جازالاپ، جۇمىستان شىعارۋ كەرەك. باقىلاۋ جۇرگىزۋ ءۇشىن بىزدە بارلىق مۇمكىندىك بار»، - دەگەن.

اباي-اقپارات