«7» ارنانىڭ  جاڭالىقتارىنان تاراعان ءبىر اقپارات الەۋمەتتىك جەلىلەردى شارلاپ ءجۇر. تاقىرىپ: «وڭتۇستىك قازاقستاندا ناعاشىسى جيەنىن جەتى جىل بويى زورلاپ كەلگەن» دەپ اتالىپتى. ماقسات جاقسىبايۇلى ەسىمدى «7» ارنا ءجۋرناليسىنىڭ حابارلاۋىنشا، 33 جاستاعى جىگىت جەتىم قالعان جيەنىن 6 جاسىنان باستاپ زورلاپ كەلگەن  كورىنەدى...

جالپى، سوڭعى كەزدەرى ادام ەستىپ قۇلاعىنان بەزەتىن، كورىپ كوزى ۇيالاتىن وسىنداي «سەنساتسيالار» قاپتاپ كەتتى. 33 جاستاعى وڭباعاننىڭ ءىسىن اقتاۋدان اۋلاقپىز، بىراق، ودان قورلىق كورگەن جەتىم قىزدىڭ كۇنى «7» ارنانىڭ الگى  «سەنساتسياسىنان» كەيىن قالاي  بولادى؟ تاعدىرى قالاي قالىپتاسادى؟ وسىنى ءبىر ءسات ويلانىپ كورسەك قايتەدى؟  ادامنىڭ جان-دۇنيەسىن  جارادار ەتەتىن جامانات حابارلاردى  جارياعا جار سالۋ، ارى تاپتالعان ادامنىڭ ەسىمىن «الاقايلاپ» اتاۋ قانشالىقتى قيسىندى؟ ونداي «جاڭالىقتار» كىمگە، نە ءۇشىن قاجەت؟ الدە، بولعاندى بولعان كۇيىندە جۇرتقا جەتكىزىپ، قوعامنىڭ قوياسىن اقتارىپ وتىرعان دۇرىس پا؟ ءسىز نە دەيسىز، قۇرمەتتى وقىرمان!

وي ءبولىسىپ، پىكىر قوسىڭىز.

Abai.kz