قازىرگى قازاقستاننىڭ، ونىڭ بىلەرمەن بيلىگىنىڭ قانشالىقتى كەرەمەت بولعاندىعىن تاريحتا قالدىراتىن اتىشۋلى سوت جالعاسىپ جاتىر. ءولى گيتلەر بار، ءتىرى اردەگەرلەر بار... جابىلىپ جارلىقاپ قالىبايدى سوتتاماق.

كەزەكتى تىڭداۋ كەشە المالى اۋداندىق سوتىندا ءوتتى. وعان قازاق ءباسپاسوزىنىڭ وكىلدەرى جانە كۋاگەر رەتىندە اقىن مۇحتار شاحانوۆ قاتىستى. «اڭىز ادام» جۋرنالىن جاۋاپقا تارتۋشى جاقتىڭ وكىلى احمەتوۆتىڭ تالاپ-ارىزدى «ناقتىلاپ» كەلۋىنە بايلانىستى ءجارىسسوز كەيىنگە شەگەرىلدى. سونداعى ناقتىلاۋ بۇرىنعى تالاپ-ارىزداعى «جاريالى تۇردە كەشىرىم سۇراسىن» دەگەن سويلەمنىڭ قاتارىنا «كەشىرىم سۇراۋدىڭ ءماتىنىن باق بەتتەرىندە جاريالاسىن» دەگەن جاڭا تىلەك ايتىپتى. كۋاگەر رەتىندە تارتىلعان م.شاحانوۆ مىرزا «ادامزات قاسىرەتى» دەپ ات قويىپ، گيتلەردىڭ  بارلىق زۇلىمدىعىن اشىپ كورسەتكەن «اڭىز ادام» جۋرنالىن سوتقا تارتۋ – ەڭ ماسقارا، جاپتىم جالا، جاقتىم كۇيەنىڭ ءوزى» دەپ وتىر. «مۇنداي سوراقىلىق تەك قازاقستاندا عانا بولاتىن شىعار، سوندىقتان سوت توراعاسى ءادىل شەشىم شىعارىڭىز» دەپ كەسىپ ايتتى.

ءسويتىپ، بۇگىنگى ءجارىسسوز ساعات 11:00-دە المالى اۋداندىق سوتىندا وتەدى. مەكەنجايى: الماتى قالاسى، تولە بي كوشەسى، 267-ءۇي، 5-زال. (تىلەنديەۆ كوشەسىنىڭ قيىلىسى، «كاسپي» مەيرامحاناسىنىڭ ارتىندا). 

"اباي-اقپارات"