Islam.kz پورتالى جازۋشىلار اراسىندا شاعىن اڭگىمەلەرگە شىعارماشىلىق بايقاۋ جاريالايدى.

ادەبيەت – ار مەن ادامگەرشىلىك، يمان مەن ىزگىلىك قۇرالى، بۇگىنگى كۇننىڭ ايناسى. ىبىراي التىنسارين، بەيىمبەت مايليندەر سەكىلدى شاعىن اڭگىمە جازۋدىڭ شەبەرلەرى ءوز زامانىنىڭ اششى شىندىعىن، قاتپار-قاتپار كورىنىسىن كوركەمسوزبەن توگىلتە سۋرەتتەگەن بولاتىن. بۇگىنگى كۇننىڭ بەينەسى دە قازىرگى جازۋشىلارىمىزدىڭ قالامىنان تۋىپ، اڭگىمەگە ارقاۋ بولىپ جاتسا قۇبا-قۇپ.

بايگەگە تۇسەر شاعىن اڭگىمە از سوزبەن كوپ وي ايتسا، قازاقى مىنەزدى سومداسا، اتاتانىمىمىزدى وزەك ەتسە، جاستاردىڭ جىگەرىن جانىپ، جان دۇنيەسىن ادامگەرشىلىككە باۋلىسا، ەلىن، جەرىن، ءدىنىن، ءدىلىن سۇيۋگە ۇندەسە، جامانشىلىقتان جيرەنتسە، ءتىپتى قوعامدا كورىنىس تاۋىپ جۇرگەن قاتە ءدىني تۇسىنىكتەردى تۇزەسە دەگەن ءۇمىتىمىز بار.

اڭگىمە مازمۇنىنىڭ تىكەلەي ءدىني سارىندا بولۋى شارت ەمەس. ومىردەن الىنعان، عيبراتتى وقيعا جەلىسىمەن جازىلعان، ءتىپتى قيالدان قيىلعان اقيقاتقا اينا بولاتىن كوركەم ادەبي دۇنيەلەردى كۇتەمىز.

باس جۇلدە – 300 000 تەڭگە

ءبىرىنشى ورىن – 200 000 تەڭگە

ەكىنشى ورىن – 150 000 تەڭگە

ءۇشىنشى ورىن – 100 000 تەڭگە

ىنتالاندىرۋ سىيلىقتارى – 50 000 تەڭگەدەن ءۇش ادامعا

بايگەگە جىبەرىلەتىن اڭگىمەلەر كولەمى – 3-4 بەتتەن (كومپيۋتەرمەن تەرىلگەن، 14-قارىپ) اسپاۋى ءتيىس.

بايگەگە قاتىساتىن شىعارمالارىڭىزدى angime@islam.kz ەلەكتروندى پوشتامىزعا جولداي الاسىزدار.

شىعارمالار 2014 جىلدىڭ قازان ايىنىڭ 1-نە دەيىن قابىلدانادى.

قورجىنىمىزعا تۇسكەن شىعارمالار سايتىمىزدا جاريالانىپ، وقىرمانداردىڭ باعالاۋىنا ۇسىنىلادى. وقىرماننان وڭ باعاسىن العان ۇزدىك اڭگىمەلەرگە ارنايى قۇرىلعان قازىلار تورەلىك ەتىپ، ءتيىستى جۇلدەلەرىن بەرەدى.

اباي-اقپارات