شىعىس قازاقستان وبلىسىنىڭ اكىمى

بەردىبەك ساپارباەۆتىڭ نازارىنا!

جۋرناليست قانات ورالبەك فەيسبۋكتەگى جەكە پاراقشاسىنا شىعىس قازاقستان وبلىسىنىڭ ورتالىعى – وسكەمەن قالاسىندا اباي مەن ميحاەليسكە ورناتىلعان ەسكەرتكىشتىڭ سۋرەتىن جاريالادى. ەسكەرتكىشتىڭ ۇسقىنسىزدىعى سونداي كورگەن ادام ۇياتتان جەرگە كىرىپ كەتە جازدايدى. ەسكەرتكىشتە قازاقتىڭ باس اقىنى – اباي قۇنانبايۇلىن باسىن قازانداي، كەۋدەسىن كەرەعاپتاي قورتىق ەتىپ مۇسىندەگەن.  الايدا، ەسكەرتكىشكە كونكۋرس جاريالاپ، ونى قابىلداپ العان جانە ورناتۋعا رۇقسات بەرگەن جاۋاپتى مەكەمە باسشىلارىنىڭ ۇلت اتاسىن قورلاعان مۇنداي ەسكەرتكىشتى قويعىزۋعا «ۇياتتارى» جەتكەنى تىپتەن قورقىنىشتى.

ال، ميحاەليستىڭ ابايعا اقىل ۇيرەتىپ، جول نۇسقاپ تۇرعانىن قالاي تۇسىنۋگە بولادى؟ بالكىم، شىعىس قازاقستان وبلىسىنىڭ اتمىنەرلەرى كورشى ەلدىڭ كولەڭكەسىنەن قورقىپ، ۇلتارالىق تاتۋلىق جولىندا ابايدى قۇربان ەتۋدى ءجون دەپ تاپقان شىعار. ابايدى قولجاۋلىققا اينالدىرىپ، ساياسي قۇربان ەتۋ – قازاقتى دا ءدال سونداي كۇيگە تۇسىرۋمەن بىردەي.

ابايدى مازاق ەتۋ – قازاقتى مازاق ەتۋ. قاي زاماندا دا.

قارا ءتۇندى جامىلىپ، قازاقتى قورلايتىن ەسكەرتكىش ورناتقان قارا نيەتتىلەر جازاسىن الىپ، ەسكەرتكىش دەرەۋ جويىلسىن!

Abai.kz