جامبىل وبلىسىنىڭ 75 جىلدىعى اياسىندا وتەتىن ءىى-ءشى  حالىقارالىق «قاراتاۋ سارىنى – 2014» ءداستۇرلى مۋزىكا فەستيۆالىنىڭ  اننوتاتسياسى

قازاقستان رەسپۋبليكاسىنىڭ پرەزيدەنتى ن.ءا. نازارباەۆتىڭ 2014 جىلعى 17 قاڭتارداعى «قازاقستان جولى 2050: ءبىر ماقسات، ءبىر مۇددە، ءبىر بولاشاق» اتتى قازاقستان حالقىنا جولداۋىن ىسكە اسىرۋ ماقساتىندا تاراز جەرىندە، قارت قاراتاۋ تورىندە 2014 جىلدىڭ    23-24 ماۋسىم كۇندەرى ءىى-ءشى حالىقارالىق «قاراتاۋ سارىنى – 2014» اتتى ءداستۇرلى مۋزىكا فەستيۆالى وتەدى.

قازاقستان رەسپۋبليكاسىنىڭ مادەنيەت مينيسترلىگىنىڭ كەلىسىمىمەن، جامبىل وبلىسى اكىمدىگى مەن «TÜRKSOY» تۇركى مادەنيەتىن جانە ونەرىن دامىتۋ حالىقارالىق ۇيىمىنىڭ، جامبىل وبلىسى اكىمدىگىنىڭ مادەنيەت، مۇراعاتتار جانە قۇجاتتاما باسقارماسى، جامبىل وبلىستىق فيلارمونياسى ۇيىمداستىرىپ وتىرعان بۇل فەستيۆال العاش رەت 2013 جىلى     ەلوردامىز-استانا قالاسىنىڭ 15 جىلدىق مەرەيتويىنا وراي جوعارى دەڭگەيدە ءوتىپ، حالىقتىڭ قوشەمەتىنە يە بولدى.

فەستيۆالدىڭ نەگىزگى ماقساتى: ۇلتىمىزدىڭ ءداستۇرلى مۋزىكاسىن حالىققا كەڭىنەن ناسيحاتتاپ، اسىل مۇرانى دارىپتەۋ ارقىلى پاتريوتتىق سەزىمدى قالىپتاستىرۋ، جاس ۇرپاقتىڭ اتا مۇراعا دەگەن قۇرمەتىن ارتتىرۋ، ءداستۇرلى مۋزىكامىزدى شەبەر ورىندايتىن جاس ورىنداۋشىلاردى ايقىنداپ، ونەر الەمىنە جاڭا ەسىمدەر اشىپ حالىققا تانىتۋ، ءداستۇرلى مۋزىكا ارقىلى حالىقتار دوستاستىعىن جانداندىرىپ، باسقا دا تۋىستاس ەلدەرمەن شىعارماشىلىق بايلانىس ورناتۋ.

بەسىگىن ءان تەربەگەن قازىنالى قاراتاۋ ءوڭىرى تالانتى تاۋداي، ارمانى اسقاق كۇمىس كومەي انشىلەر مەن ون ساۋساعىنان كۇي توگىلگەن داۋلەسكەر كۇيشىلەر مەكەنى. وسىناۋ قاسيەتتى مەكەننىڭ ونەر اسپانىندا حالىق اندەرىنىڭ قالىقتاۋى - رۋحاني بايلىعىمىزعا دەگەن ەل ىنتاسىن ارتتىرا تۇسپەك.

فەستيۆالدىڭ ءباسپاسوز-كونفەرەنتسياسى 23 ماۋسىم ساعات 11.00-دە «بالاساعۇن» ورتالىق كونتسەرت زالىنىڭ فويەسىندە وتەدى جانە سول كۇنى ساعات 18.00-دە فەستيۆالدىڭ اشىلۋ سالتاناتى مەن ء«داستۇرلى كۇي مەرەكەسىندە» رەسپۋبليكامىزدان، سونداي-اق شەت مەملەكەتتەردەن كەلگەن ءداستۇرلى ونەر جۇلدىزدارى ءوز ونەرلەرىمەن مەرەكەگە شاشۋ شاشپاق.

24 ماۋسىم ساعات 11.00-دە، قازاقستاننىڭ ەڭبەك سىڭىرگەن قايراتكەرى، «دارىن» مەملەكەتتىك جاستار سىيلىعىنىڭ لاۋرەاتى، فيلالوگيا عىلىمدارىنىڭ كانديداتى س.جانپەيىسوۆانىڭ «ساۋلە - سارىن» اتتى انتولوگيالىق 4 CD جيناعىنىڭ تانىستىرىلىمى وتەدى، ال ساعات 18.00-دە ء«داستۇرلى ءان مەرەكەسىمەن» فەستيۆال جالعاسىن تابادى.  

فەستيۆال بارىسىندا وسى مەرەكەلىك شارانىڭ ماڭىزدى وقيعاسى حالىقپەن بىرگە ءبىر مەزگىلدە قازاقتىڭ 10 ءانىن ورىنداۋ سالتاناتى ورتالىق «دوستىق» الاڭىندا       24 ماۋسىم كۇنى، ساعات 21.00-دە وتەدى.

فەستيۆالگە قاتىسقاندار العىس حاتتارمەن، سەرتيفيكاتتارمەن ماراپاتتالادى. گالا-كونتسەرتتە رەسپۋبليكامىزعا تانىمال جانە شەت ەلدىك ءداستۇرلى ونەر-شەبەرلەرى ونەر كورسەتەدى.

          وسىعان وراي، عاسىرلار قويناۋىنان سىر شەرتەتىن قاسيەتتى تاراز قالاسىنىڭ ونەر سۇيەر ءتول پەرزەنتتەرى بۇل مەرەكەلىك شارادان شەت قالمايدى. ەكىنششى رەت وتكەلى تۇرعان قازاقتىڭ حالىق اندەرىن اسقاقتاتاتىن مەرەكەلىك دۋمان وبلىسىمىزدىڭ ابىرويى مەن بەدەلىن الەم الدىندا ارتتىرا تۇسەرى اقيقات.

ەل.ادرەس  -   filarmoniyataraz@mail.ru