(پامفلەت)

                                «شىمكەنتتىكتەردى قوستانايعا اكەپ توگەدى ەكەن... ولار كەلسە، ءبىزدىڭ بايلىعىمىزدى تارتىپ الادى...». كەيبىر قالا قازاعىنىڭ گۋ-گۋ اڭگىمەسىنەن.

اسپاندى تىرەپ توبەمىز،

تۇرعانداي-اق، شەتىمىزدەن تورەمىز.

جاماندىقتى بىتكەن پەندەگە،

تەك شىمكەنتتەن كورەمىز.

قىزىلوردا، تاراز، الماتى،

ولاردىڭ وزگە بار ما اتى؟

-دەپ ەش تاڭدانبايمىز،

شىمكەنت ەكەن ءزاۋ-زاتى.

قازاقتى سولار كۇندەيدى ەكەن،

ورىسسىڭدار-دەپ تىلدەيدى ەكەن.

وزبەكشە سويلەپ وزدەرى،

پلوۆتان باسقانى بىلمەيدى ەكەن.

ناسىبايدىڭ ءوزىن

شىمكەنت قانا اتادى ەكەن.

قوستانايلىقتار

يىسكەپ قانا جاتادى ەكەن.

ايەل تەڭدىگى جوق ول جاقتا،

قىزدارىن دا ساتادى ەكەن.

اتاسى جۋعىزىپ اياعىن،

كەلىنىنە، كۇناعا باتادى ەكەن.

قىسقاسى، ارتتا قالعان سول ەلدە،

جاقسى ەمەس ەكەن ءبىر پەندە.

كوشىپ كەپ ولار بايلىققا،

يە بولادى ەكەن بىردەمدە...

وسىلايشا

قازاقتى قازاق بولەمىز.

ءاي، ءتۇبى وسىمىزدان،

اتىمىز ءوشىپ ولەمىز...

ويلاساڭشى، تەرەڭنەن

ءوزىمىزدى ءوزىمىز

نەگە جات كورەمىز؟..

ۇلى ابايدىڭ

ء«بىرىڭدى قازاق، ءبىرىڭ دوس،

كورمەسەڭ ءىستىڭ ءبارى بوس»

-دەگەن ءسوزىن ەسكە الماي،

ايتاققا بەكەر ەرەمىز.

كۇلاش كەرىمبەكقىزى

قوستاناي قالاسى.

Abai.kz