ۋكراينا رەسەيمەن شەكارادا 8 بەكەتتى جاپپاق
ۋكراينا ۇكىمەتى دونەتسك مەن لۋگانسك وبلىستارىنىڭ رەسەيمەن شەكاراسىندا 32 وتكىزۋ بەكەتىنىڭ 8-ءىنىنىڭ جۇمىسىن توقتاتۋعا شەشىم قابىلدادى. بۇل تۋرالى «ازاتتىق راديوسى» حابارلادى.
ۇكىمەتتىڭ ءباسپاسوز قىزمەتىنىڭ حابارلاۋىنشا، مۇنداي شەشىم ۋكراينا مەملەكەتتىك كۇزەت قىزمەتىنىڭ ۇسىنىسىمەن ۋكراين-رەسەي شەكاراسىنىڭ كەيبىر بولىكتەرىندە بولىپ جاتقان وقيعالارعا تۇرعىنداردىڭ قاۋىپسىزدىگىن قامتاماسىز ەتۋ ءۇشىن قابىلدانعان.
سوڭعى ۋاقىتتارى اتالعان وبلىستاردا رەسەيشىل سەپاراتيستەردىڭ ۋكراين شەكاراشىلارىنا ءجيى شابۋىلداپ، ۋكرايناعا قارۋلى ادامدار مەن قارۋ-جاراق تيەگەن كولىكتەردىڭ كەدەرگىسىز ءوتىپ جاتقانى تۋرالى اقپارات كوبەيگەن.
اباي-اقپارات
