بەلارۋس پرەزيدەنتى الەكساندر لۋكاشەنكو پوستكەڭەستىك ەلدەردى تمد قۇرامىنان شىعۋعا اسىقپاۋعا شاقىردى. قازاقپاراتتىڭ حابارلاۋىنشا بۇل تۋرالى تمد ۇكىمەتتەرى كەڭەسىنىڭ وتىرىسىنا كەلگەن پرەمەر-مينيسترلەرمەن ولاردىڭ ورىنباسارلارىمەن وتكەن كەزدەسۋدە ايتىلعان.

«مەن وسىعان قاتىستى جەكەلەگەن مالىمدەمەلەردەن كەيىن ۋكراينا پرەزيدەنتىنىڭ مىندەتىن اتقارۋشىمەن جانە ءبىزدىڭ ۋكرايندىق ەلشىمەن سويلەستىم. نە نارسەنى دە اسىقپاي، بايىپپەن شەشكەنىمىز ءجون. اعاتتىقا، اسىعىستىققا جول بەرمەيىك، ورالۋ ودان دا قيىن بولادى. سوندىقتان دا ءوزارا ءىس-قيمىلدىڭ ورنىقتى الاڭىنا اينالعان وسى ۇيىمنان شىعۋعا اسىقپاۋدى شاقىرامىن»، - دەگەن بەلارۋس پرەزيدەنتى ءوز سوزىندە.

ونىڭ ايتۋىنشا، تمد قازىر اۋىر كەزەڭدى باسىنان وتكەرۋدە. بەلارۋس ەلى تمد-نى ماڭىزدى، اسا قاجەت، وزەكتى بىرلەستىك دەپ قابىلدايدى، ول قاتىسۋشىلارىنا كوكەيتەستى ماسەلەلەردى ءتيىمدى شەشۋگە مۇمكىندىك بەرەدى.

ەسكە سالا كەتەيىك، تمد قۇرامىنان 2010 جىلدىڭ باسىندا گرۋزيا شىقتى. ناۋرىزدا ۋكراينانىڭ ۇلتتىق قاۋىپسىزدىك جانە قورعانىس كەڭەسىنىڭ حاتشىسى اندرەي پارۋبي ۋكراينا تمد قۇرامىنان شىعۋعا دايىندىق ۇستىندە ەكەندىگىن مالىمدەدى.

اباي-اقپارات