قازاقستاندا مەكتەپ ءبىتىرۋشى تۇلەكتەردى ۇلتتىق بىرىڭعاي تەستلەۋ باستالدى. بۇگىن استاناداعى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ورنالاسقان سىناق پۋنكتتەرىنىڭ بىرىنە قر ءبىلىم جانە عىلىم ۆيتسە-ءمينيسترى تاحير بالىقباەۆ كەلىپ، ۇلتتىق سىناق تاپسىرمالارىن رەسمي تۇردە اشتى جانە تۇلەكتەرگە ساتتىلىك تىلەدى.  بۇل تۋرالى قازاقپارات حابارلادى.

ۆيتسە-مينيستر تىلشىلەرگە بەرگەن سۇحباتىندا: «الداعى جەتى كۇننىڭ بارىسىندا 92077 تۇلەك ۇلتتىق بىرىڭعاي تەستى تاپسىراتىن بولادى. ولار ەلىمىزدىڭ ارنايى دايىندالعان 155 تەستىلەۋ پۋنكتتەرىنەن وتەتىن بولادى. بۇل جەردە بالالاردا تولقۋ جوعارى بولعانىمەن، ەلدە ارنايى دايىنداۋ جۇيەسى وتە جاقسى جولعا قويىلعان. تۇلەكتەر بىرنەشە رەت ارنايى سىناقتاردان ءوتىپ، تەستكە تولىق دايىندىقپەن كەلىپ جاتىر»، - دەگەن. ونىڭ ايتۋىنشا، سىناق سۇراقتارىنىڭ 30 پايىزى جاڭارتىلعان جانە فورماتى وزگەرگەن جوق. 

ايتا كەتەتىن بولساق، بيىل ەلىمىزدە ۇبت 2-8 ماۋسىم ارالىعىندا وتەدى.

اباي-اقپارات