باياعىدا قىزىل قانعا بويالعان بولشەۆيكتەر كەلىپ، كيىز ۇيگە قىزىل تۋىن تىكتى. "قىزىل وتاۋ" اتالىپ كەتكەن ول ۇيگە تەك قىز-كەلىنشەكتەردى جيناپ ورىسشا وقىتا باستادى. ماقسات - ەرتەڭ اناسى بالاسىن ورىسشا تاربيەلەۋ كەرەك. (90-شى جىلداردىڭ باسىنداعى تۇرىك ليتسەيلەرى سەكىلدى) وسى كەزدە ورىسشا بىلمەيتىندەردى "ساۋاتسىز" دەدى. كەيىن ورىستىڭ تاريحي كىتاپتارىندا، باسىلىمدارىندا "XX عاسىردىڭ باسىندا قازاقتاردىڭ 1% عانا ساۋاتتى بولدى" دەگەن دەرەكسىماقتار كوپ جازىلدى.
بولشەۆيكتەرشە جانە ەكونوميكا جانە بيۋدجەتتى جوسپارلاۋ ۆيتسە - ءمينيسترى ءمادينا ابىلقاسىموۆانىڭ تىلىمەن ايتساق، XXI عاسىردىڭ باسىندا، ياكي ءدال قازىر شەتەلدەن كەلگەن قازاقتار "نە گراموتنىە".
ال ءوز باسىم باسقاشا ايتار ەدىم. قازاقستانداعى 7 جاستان جوعارى حات تانيتىنداردىڭ 50% استامى ساۋاتسىز. ويتكەنى، ولار مەملەكەتتىك تىلدە جازعانى بىلاي تۇرسىن، ادام تىلىندە، قازاق تىلىندە سويلەسە المايدى.

(ايدوس جۇقانۇلىنىڭ فەيسبۋكتەگى پاراقشاسىنان الىندى)