جاڭا جىل مەرەكەسىنىڭ قارساڭىندا قازاقستاندا ارداگەرلەردى قولداۋ جالپىۇلتتىق اكتسياسى وتۋدە. بۇل شارا بىرەگەي جانە تمد ەلدەرىندە وعان ۇقساسى جوق.

بۇل تۋرالى سەمەي قالاسىنداعى ىشكى ساياسات ءبولىمىنىڭ اقپاراتتىق سەكتورىنان حابارلانادى. اكتسيانىڭ اياسىندا رەسپۋبليكانىڭ بارلىق وبلىستارى، قالالارى مەن اۋداندارىنىڭ اكىمدەرى ارداگەرلەرگە جەكە بارىپ، ولاردى كەلە جاتقان مەرەكەمەن قۇتتىقتاپ، مەملەكەت باسشىسىنىڭ اتىنان جاڭاجىلدىق سىيلىقتاردى تابىستاۋدا. وسىلايشا، پرەزيدەنتتىڭ قۇتتىقتاۋىن رەسپۋبليكامىزداعى ۇلى وتان سوعىسىنىڭ 115 ارداگەرىنە جەتكىزىلەدى.

Cەمەي قالاسىنىڭ اكىمى ايبەك كارىموۆ ۇلى وتان سوعىسى ارداگەرلەرىنىڭ وتباسىلارىنا مەملەكەت باسشىسى نۇرسۇلتان نازارباەۆتىڭ اتىنان قۇتتىقتاۋ ماقساتىمەن باردى.

بۇل يگى شارا احمەروۆتەر وتباسىنا بارۋدان باستالدى. وتاعاسى، ۇلى وتان سوعىسىنىڭ قاتىسۋشىسى احمەروۆ عابدۋلعازيز عاينۋتدينۇلى 114-ءشى گۆارديالىق ۆەنا قىزىلتۋ قۇرامىندا، ءىى جانە ءىىى-ءشى ۋكراينالىق مايداندارداعى اۋە-دەسانتتىق ديۆيزيانىڭ سۋۆوروۆ وردەنىنىڭ قۇرامىندا بولىپ، باتىس ەۋروپا ەلدەرىن فاشيستەردەن ازات ەتۋگە قاتىسقان.

ودان كەيىن قالا اكىمى پەتر ميحايلوۆيچ كولوميننىڭ ۇيىنە باردى. بۇل ادامنىڭ جەڭىسكە، ءبىزدىڭ بەيبىت ەلدە تۇرۋىمىزعا قوسقان ۇلەسى شەكسىز. پەتر ميحايلوۆيچ 1943-1945 جىلدار ارالىعىندا ءىىى-ءشى بەلارۋس مايدانىندا، بالتىق ماڭىندا جانە گەرمانيا اۋماعىندا سوعىسقان. ودان كەيىن قيىر شىعىسقا جىبەرىلگەن. ونىڭ جاۋىنگەرلىك ەڭبەگى لايىقتى باعالاندى - ونىڭ 20-دان استام مەدال جيىنتىعى بار، سونىڭ ىشىندە 13-ءى - جاۋىنگەرلىك ناگرادالار.

ودان كەيىن ايبەك مۇتالاپۇلى كەڭ داستارحانىن جايىپ قارسى العان اقساقال باقى دايرامۇلى نۇرباەۆتىڭ وتباسىمەن قاۋىشىپ، قارياعا پرەزيدەنتتىڭ سىيلىعىن تارتۋ ەتتى. 1943-1945 جىلدار ارالىعىندا باقى نۇرباەۆ ۋكراينا مايدانىندا سوعىسقان ەدى.

جەرگىلىكتى بيلىك كوزدەرى وكىلدەرىنىڭ قۇتتىقتاۋلارى مەن العىس سوزدەرىن ەستىگەن سوعىس ارداگەرلەرى نۇرسۇلتان ءابىشۇلى نازارباەۆقا ولارعا بولگەن كوڭىل مەن جالپى وتكىزىپ وتىرعان ساياساتىنا ريزاشىقتارىن ءبىلدىردى. بەيبىتشىلىك، دوستىق، ءوزارا تۇسىنىستىك - حالقىمىزدىڭ نەگىزگى قۇندىلىقتارى ەكەنىن ايتتى.

ەڭبەك دەمالىسىندا جۇرسە دە، سەمەي قالاسىنداعى ارداگەرلەردىڭ كوبى جاستارىنا قاراماستان وسكەلەڭ ۇرپاقتىڭ تاربيەسىنە بەلسەندى اتسالىسىپ جۇرگەنىن اتاپ ءوتۋ كەرەك. 

اباي-اقپارات.

(ماقالا «قازاقپارات» حاا دەرەكتەرى نەگىزىندە ازىرلەندى).