ماسكەۋ مەتروسىنىڭ «ۆىستاۆوچنايا» ايالداماسىندا ورنالاسقان  «مەترو» گالەرەياسىندا «بەيمالىم قازاقستان» اتتى فوتوكورمە اشىلدى. ونى قازاقستاننىڭ رەسەيدەگى ەلشىلىگى، قازاقستان رەسپۋبليكاسى تۇڭعىش پرەزيدەنتىنىڭ قورىمەن جانە ماسكەۋ مەتروسىنىڭ اكىمشىلىگىمەن بىرلەسىپ ۇيىمداستىردى.

كورمەنىڭ باستى ماقساتى «بولاشاق ەنەرگياسى» اتتى تاقىرىپپەن استانادا وتەتىن ەكسپو-2017 حالىقارالىق كورمەسىن وتكىزۋ اياسىندا قازاقستاننىڭ ارتۇرلىگىن، تابيعي بايلىعىن جانە زور الەۋەتىن ماسكەۋ تۇرعىندارىنا جانە قوناقتارىنا جەتكىزىپ كورسەتۋ،بولىپ تابىلادى.

كورمەنى سالتاناتتى اشۋ راسىمىندە ءسوز باستاعان ماسكەۋ مەترو اكىمشىلىگى باسشىسىنىڭ ورىنباسارى ۆلاديمير پوگونين  ەلوردا مەتروسى قىزمەتىن كۇنارا ميليونداعان ادامار پايدالاناتىن تەك كولىكتىك كاسىپورىن عانا ەمەس ەكەنىن ايتىپ ءوتتى. ء«بىز مەترو جۇيەسىمەن پايدالانۋ جايلىلىعىن ارتتىرۋدى تىرىسامىز جانە وسى باعىتتا مادەني جوبالارعا ەرەكشە كوڭىل بولەمىز. بۇگىنگى تاڭدا جولاۋشىلار قازاقستانمەن فوتوسۋرەتتەر ارقىلى تانىسىپ وتىر»، - دەدى ول.

وسى ەلدەگى قازاقستان ەلشىلىگىنىڭ كەڭەسشى-ۋاكىلى ۆيكتور تەمىرباەۆ كورمەنى ۇيىمداستىرۋعا قولعابىس كورسەتكەن ءۇشىن مەترو اكىمشىلىگىنە زور العىسىن ايتىپ، ەلىمىزگە بارىپ كەلگەن رەسەي ازاماتتارى دا وسى قويىلىم ارقىلى قازاقستاندى جاڭادان اشۋ مۇمكىن دەگەن سەنىمىن ءبىلدىردى.

وسى پىكىرگە رف سىرتقى ىستەر مينيسترلىگىنىڭ تمد ەلدەرى ءۇشىنشى دەپارتامەنتى ديرەكتورىنىڭ ورىنباسارى ۆلاديمير سپرينچان دا قوسىلدى. «مەن قازاقستاندا ءتورت جىل بويى قىزمەت ەتتىم، الەمنىڭ ءبىراز جەرلەرىندە بولىپ كەلدىم، - دەدى ورىس ديپلوماتى. – بىراق مەن دە بۇگىن سۋرەتشىنىڭ كوزىمەن كورسەتىلگەن قازاقستان تابيعاتىنىڭ اسەمدىگىمەن تانىسا ءوتىپ، قازاقستاندى جاڭادان اشقانداي بولدىم».

2012 جىلى «بەيمالىم قازاقستان» اتتى ونەر جوباسى (باسشىسى - كونستانتين كيكۆيدزە) قر تۇڭعىش پرەزيدەنتى قورىنىڭ گرانتىنا يە بولدى.

 PHOTOSAFARI.KZ سايتىنىڭ فوتووپەراتورلارى مەن جۋرناليستەرى توبى ەكى جىل بويى قازاقستاننىڭ بارلىق قورىق جانە تاريحي جەرلەرىن ارالاپ شىقتى. الەمنىڭ مۇراسىنا كىرەتىن ەلىمىزدىڭ تابيعي مەن مادەني بايلىعى تۋرالى كوپتەگەن فوتو- جانە بەينەماتەريالدى جيناقتاۋ ءۇشىن، ولار 30 مىڭ شاقىرىمنان استام جول ءجۇردى.

«مەترو» گالەرەياسى «ۆىستاۆوچنايا» ستانتسياسىندا 2005 جىلدان باستاپ ورنالاسۋدا. كۇن سايىن جاڭا ورتالىققا بارا جاتقان قالا جولاۋشىلارى تەمىرجول پلاتفورماسىنىڭ ۇستىندە ورنالاسقان فوتوسۋرەتتەردى تاماشالاي الادى. گالەرەيا قىزمەت ەتە باستاعاننان بەرى قالا تۇرعىندارى مەن جولاۋشىلارى كوپتەگەن تاقىرىپقا قويىلعان ءبىراز فوتوكورمەلەردى كورىپ شىقتى. قازىرگى ۋاقىتتا بۇل گالەرەيا فوتوونەردى ۇناتاتىن قالا تۇرعىندارى مەن جاي جولاۋشىلار اراسىندا ايگىلى ورىنعا اينالدى. 

«بەيمالىم قازاقستان» فوتوكورمەسى ماسكەۋ مەتروسىندا ءبىر بويىنا كەلۋشىلەر نازارىنا ۇسىنىلادى.

اباي-اقپارات.