يندۋستريالاندىرۋ كۇنى اياسىندا مەملەكەت باسشىسى نۇرسۇلتان نازارباەۆتىڭ قاتىسۋىمەن 15 جاڭا نىسان ىسكە قوسىلدى.

«ونلاين» رەجيمىندە وتكەن شارادا يندۋستريالاندىرۋ كارتاسى بويىنشا بەكىتىلگەن جاڭا جوبالاردىڭ تۇساۋى كەسىلدى.

ولاردىڭ قاتارىندا:

شىعىس قازاقستان وبلىسىنداعى «پوسۋك تيتانيۋم» جشس-نىڭ تيتان قۇيمالارى مەن بالقىمالارى ءوندىرىسىنىڭ زاۋىتى، قاراعاندى وبلىسىنىڭ «التىنالماس» اك» التىن ءوندىرۋشى فابريكاسى، اقتوبە رەلس ارقالىق زاۋىتى، ورال ترانسفورماتور زاۋىتىنىڭ ەلەكتروتەحنيكالىق ونىمدەر ءوندىرىسى، حالىقارالىق باتىس ەۋروپا-باتىس قىتاي ترانزيتتىك ءدالىزىنىڭ: سىرداريا وزەنى ارقىلى وتەتىن 220 مەترلىك كوپىر – بولىگى، الماتى وبلىسى بويىنشا «قورعاس - شىعىس قاقپاسى» اەا قۇرعاق پورتى، ماڭعىستاۋ وبلىسىنداعى «اسكي-ماڭعىستاۋ» جشس مۇناي ساقتاۋ جانە مۇناي ونىمدەرىن ساقتاۋ تەرمينالى، ستەپنوگورسك كۇكىرت قىشقىلى ءوندىرىسىنىڭ زاۋىتى، جامبىل وبلىسىنداعى قۋاتى 21 مۆت جەل ەلەكترستانتسياسى قۇرىلىسىنىڭ ءبىرىنشى كەزەڭى، الماتى قالاسىنداعى «ساۋلە» تىگىن-توقىما فابريكاسى، «وڭتۇستىك» ارنايى ەكونوميكالىق ايماعىنا كىرەتىن، بەلگيالىق تەحنولوگيا بويىنشا كىلەمدەر ءوندىرۋشى – «نازار تەكستيل» جشس زاۋىتى،  پاۆلودار وبلىسىنداعى «كومپانيا نەفتەحيم LTD» جشس-نىڭ ۇنتاق پوليپروپيلەن گرانۋلياتسياسى تسەحى، حوش ءيىستى كومىرسۋتەكتەر ءوندىرىسىنىڭ كەشەنى، سولتۇستىك قازاقستان وبلىسىنداعى «اۋليەگولدماينينگ» التىن ءوندىرۋ فابريكاسى جانە استاناداعى «استىك لوگيستيك» جشس-نىڭ «ا» سىنىبى ساناتىنداعى قويمالىق كەشەنى.
سونداي-اق، جالپىۇلتتىق تەلەكوپىر بارىسىندا ەلدىڭ يندۋستريالىق ساياساتىنىڭ العاشقى بەسجىلدىعىنىڭ ناتيجەلەرى قورىتىندىلانىپ، وڭىرلەردەگى بۇعان دەيىن پايدالانۋعا بەرىلگەن وندىرىستەردىڭ قالاي جۇمىس ىستەپ تۇرعاندىعى كورسەتىلدى

اباي-اقپارات.