شىعىس قازاقستان وبلىسىندا اكىم بولىپ تۇرعان كەزىندە وڭتۇستىك قازاقستان وبلىسىنىڭ ىنتا بىلدىرگەن ديحاندارىن كوشىرىپ الىپ، ۇلتتىق مازمۇنى تەرەڭ ءىس باستاعان بەردىبەك ماشبەكۇلى ءوز باستاماسىنىڭ جالعاسىن كورىپ قايتتى. بۇل تۋراسىندا شقو اقپاراتتىق ورتالىعى حابارلادى.

اتالعان اقپارات ورتالىعىنىڭ حابارىندا، ەلدىڭ جۇمىس كۇشى مول ايماقتارى سانالاتىن الماتى، قىزىلوردا، ماڭعىستاۋ وبلىستارىنان شىعىس قازاقستان وبلىسىنىڭ  ريددەر قالاسىنا كوشىپ كەلگەن 22 وتباسىنىڭ جاڭا پاتەرگە يە بولىپ، تولىعىمەن جۇمىسقا ورنالاسقانى،  قونىس اۋدارۋشىلارعا پاتەر كىلتىن قر پرەمەر-ءمينيسترىنىڭ ورىنباسارى بەردىبەك ساپارباەۆ پەن وبلىس اكىمى دانيال احمەتوۆتىڭ تابىستاعانى ايتىلادى.

شقو-عا قونىس اۋدارۋشىلاردى ورنالاستىرۋ ءبىرىنشى بولىپ ريددەر قالاسىنان باستالدى. سالتاناتتى راسىمگە ارنايى كەلگەن قر پرەمەر-ءمينيسترىنىڭ ورىنباسارى ب. ساپارباەۆ اتالعان باعدارلامانىڭ ماقسات-مۇددەسىن ايتىپ ءوتتى.

«ەلىمىزدىڭ وڭتۇستىك وڭىرلەرىندە جۇمىسسىزدىق بايقالسا، شقو-دا جۇمىس كۇشى تاپشى. شقو بويىنشا 18000, ال ريددەر قالاسىنىڭ وزىندە 700 جۇمىس ورنى بوس تۇر. سوندىقتان، ەلباسىنىڭ جۇمىسسىزدىقتى جويۋ تۋرالى تاپسىرماسىن نەگىزگە الا وتىرىپ، ەلىمىزدىڭ وڭتۇستىك وڭىرلەرىنەن تىلەك بىلدىرگەن وتباسىلاردى كوشىرۋ ناۋقانى باستالدى»، – دەدى ب. ساپارباەۆ.

سالتاناتتى راسىمنەن كەيىن «شقو – وتباسىنىڭ دەموگرافيالىق دامۋىنا جانە ءومىر سۇرۋىنە قولايلى ايماق» تاقىرىبىندا فورۋم وتكىزىلدى. فورۋمعا كەلگەن قر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا ەلدەگى جالپى دەموگرافيالىق احۋال تۋرالى ناقتى مالىمەت بەردى.

«ىشكى كوشى-قوننان بولەك، شەتتەن كەلگەن قانداستاردىڭ 21 % وقو، 16 % الماتى، 13 % ماڭعىستاۋ، 9 % جامبىل وبلىستارىنا كوشىپ كەلسە، قالعان 40% وزگە 11 وبلىسقا قونىس اۋدارعان. دەمەك، حالىقتى جۇمىس كۇشى مول سانالاتىن وڭتۇستىك ايماقتاردان جۇمىس كۇشى تاپشى ايماقتارعا كوشىرۋ - مەملەكەتتىك ماڭىزعا يە»، – دەدى ءمينيسترى حانىم. ءوز كەزەگىندە ءسوز العان تارباعاتاي اۋدانىنىڭ اكىمى دىلدابەك ورازباەۆ اۋداندا حالىقتىڭ جەتىسپەۋشىلىگى سۋارمالى جەرلەردى يگەرۋ ماسەلەسىن تۋىنداتىپ تۇرعانىن ايتتى. د. ورازباەۆتىڭ ايتۋىنشا، تارباعاتاي اۋدانىنىڭ حالقى 1991 جىلدان بەرى ەكى ەسەگە ازايعان.

فورۋمدا كوشىپ كەلگەن كاسىپكەرلەر ءوز ويلارىن ورتاعا سالدى.  كاسىپكەرلەردىڭ ۇسىنىستارىن مۇقيات تىڭداعان ب. ساپارباەۆ وبلىسقا وزگە ايماقتاردان جەر يگەرۋگە يكەمى بار ادامداردىڭ تارتىلاتىنىن ايتتى. «ودان بولەك، «سەرپىن» باعدارلاماسى بويىنشا، ريددەر اگرارلىق-تەحنيكالىق كوللەدجىندە الماتى، قىزىلوردا وبلىسىنان كەلگەن 25 ستۋدەنت ءبىلىم الۋدا. ولار دا تولىق جاتاقحانامەن قامتىلىپ، اي سايىن شاكىرتاقىلارىن الىپ وتىر. ءساتىن سالسا، وسىنداي يگى جۇمىس كەلەسى جىلى سقو، پاۆلودار، قوستاناي وبلىستارىنا دا قولعا الىناتىن بولادى»، – دەدى ۆيتسە-پرەمەر ب. ساپارباەۆ.

Abai.kz