سۇراق:

«تۇرعىن ءۇي قۇرىلىس جيناق بانكىنىڭ» سالىمشىسىمىن. وزىمە جانە ايەلىمنىڭ اتىنا دا ەسەپشوت اشىپ اقشا جيناپ جاتىرمىن. ەندى بالامنىڭ اتىنان شوت اشسام دەپ ەدىم. ۇلىمنىڭ جاسى ون بىردە. جاسوسپىرىمدەردىڭ اتىنان جيناق شوتىن اشۋعا بولا ما؟ بولسا قانداي قۇجاتتار كەرەك؟

ارمان، الماتى قالاسىنان. 

جاۋاپ: 

ەڭ الدىمەن ءبىزدىڭ بانكتى تاڭداعانىڭىز ءۇشىن العىسىمىزدى بىلدىرەمىز. وتباسىنىڭ ءاربىر مۇشەسىنە ارناپ ەسەپشوت اشقانىڭىز دۇرىس بولعان. ويتكەنى ءبىزدىڭ بانكتە ساقتالعان جيناق اقشاعا مەملەكەت تاراپىنان سىياقى تاعايىندالادى.

ال، سۇراققا كەلسەك، ءجاسوسپىرىم بالاڭىزدىڭ اتىنان ەسەپشوت اشۋعا قۇقىلىسىز. ول ءۇشىن «تۇرعىن ءۇي قۇرىلىس جيناق بانكىنىڭ» كەز-كەلگەن بولىمشەسىنە بارىپ، ءوتىنىش بىلدىرۋىڭىزگە بولادى. تۇرعىن ءۇي جيناق شوتىن اشۋ ءۇشىن بالاڭىزدىڭ تومەندەگىدەي قۇجاتتارىن الا بارىڭىز:

- الەۋمەتتىك جەكە كودى جازىلعان تۋ تۋرالى كۋالىك نەمەسە جەكە باس كۋالىگى;

- كامەلەتتىك جاسقا تولماعان تۇلعانىڭ زاڭدى وكىلى بولىپ تابىلاتىن (اكەسى، اناسى، بولماسا اسىراپ الۋشىسى) تۇلعانىڭ جەكە باسىن كۋالاندىراتىن قۇجاتتارى.

اباي-اقپارات.