تۇركياداعى قازاقتار تاۋەلسىزدىكتى قالاي تويلادى؟
تۇرىك جەرىندەگى قازاقتار ەلىمىزدىڭ تاۋەلسىزدىك مەرەكەسىن تويلاۋدى ەرتە باستاپ كەتتى. 3 جەلتوقسان قازاقستاننىڭ تۇركياداعى ەلشىلىگىندە قازاقستاننىڭ تاۋەلسىزدىگى كۇنىنە وراي سالتاناتتى قابىلداۋ وتكىزىلىپ، وعان تۇركيانىڭ 11 پرەزيدەنتى ابدۇللا گۇل قاتىستى. مىڭ ادامنان ارتىق كىسى قاتىسقان ءىس-شاراعا تۇركيانىڭ ەكونوميكا ءمينيسترى – قازاق-تۇرىك ۇكىمەتارالىق ەكونوميكالىق كوميسسياسىنىڭ تەڭ توراعاسى نيحات زەيبەكشى، تۇركيانىڭ ەنەرگەتيكا جانە تابيعي رەسۋرستارى ءمينيسترى تانەر يىلدىز، تۇركيانىڭ ءبىلىم بەرۋ ءمينيسترى ءنابي اۆجى، انكارا اكىمى مەليح گوكچەك، تۇركيا قارۋلى اسكەرلەرى قۇرلىقتاعى اسكەرلەرىنىڭ قولباسشىسى حۋلۋسي اكار، تۇرىك يستەبليشمەنتىنىڭ وكىلدەرى، پارلامەنتاريلەر، انكارانىڭ ديپلوماتيالىق كورپۋسى، تۇركيانىڭ قوعامدىق-ساياسي، ساۋدا-ەكونوميكالىق جانە مادەني-گۋمانيتارلىق قوعامداستىقتارى، سونىمەن قاتار قازاق دياسپوراسىنىڭ وكىلدەرى مەن قازاق ستۋدەنتتەرى قاتىستى. مەرەكەلىك قۇتتىقتاۋ كەشىنىڭ سوڭى كونتسەرتكە ۇلاستى.
تۇركيانىڭ ءار ءبىر قالاسىنداعى قازاق ستۋدەنتتەرى دە ءوز دەڭگىەيىندە تاۋەلسىزدىك مەرەكەسىن قۇتتىقتاپ، ءتۇرلى ءىس-شارا وتكىزدى. ىستامبۇل قازاقتارى تاۋەلسىزدىك كۇنىن كەڭ كولەمدە اتاپ ءوتتى. جيىن سوڭىندا ىستامبۇلداعى ستۋلەنتتەر فۋتبول ماتچىن وتكىزىپ، دوستىق كەزدەسۋلەر جاسادى. بۇل تۋرالى الەۋمەتتىك جەلىدە ىستامبۇلداعى قازاق ستۋدەنتتەر وكىلى ەربول سەرعالي جازدى.
الەۋمەتتىك جەلىلەردەن باسقا دا قالالارداعى قازاق بالالارى ەلىنە دۇعاي سالەمدەر مەن قۇتتىقتاۋلار جولداپ جاتتى. كونيا قالاسىنداعى جاستار «الاش يدەياسىن» دارىپتەپ، تاۋەلسىزدىككە تاعزىم ەتسە، تۇركيانىڭ كاستامونۋ قالاسى ستۋدەنتتەرى تاۋەلسىزدىك مەرەكەسىن شاعىن كونتسەرتتىك باعدارلاما وتكىزىپ قارسى الدى. باعدارلامادا جەلتوقسان وقيعاسىنان تەاترلاندىرىلعان كورىنىستەر قويىلدى.
قازاق ەلىنىڭ تاۋەلسىزدىك مەرەكەسىنە ساكاريادان دا سالەم جولداندى.
ال، انكارا جاستارى قازاق دالاسىنا تومەندەگىلەي بەينەروليك ارقىلى قۇتتىقتاۋىن ارنادى.
