ساۋال:

«تۇرعىن ءۇي قۇرىلىس جيناق بانكىنەن» ەسەپ شوت اشىپ، اقشا جيناعىم كەلەدى. الايدا، كۇتپەگەن جەردەن دەۆالۆاتسيا بولىپ،اقشام قۇنسىزدانىپ كەتپەي مە؟ بۇل ساقتاندىرىلعان با؟

المات، وسكەمەن قالاسى.

جاۋاپ:

- ارينە، ءبىزدىڭ بانكتىڭ سالىمشى بولۋعا نيەت بىلدىرگەنىڭىزگە قۋانىشتىمىز. تەك، ءسىز بەكەرگە الاڭدايسىز. ءبىزدىڭ بانك سالىمشى ءۇشىن دەۆالۆاتسيا قاۋپى جوق. ياعني، ۇلتتىق ۆاليۋتا باعامىنىڭ وزگەرۋى «تۇرعىن ءۇي قۇرىلىسى جيناق بانكى» اق جۇمىسىنا اسەر ەتپەيدى. ويتكەنى بانكتىڭ بارلىق مىندەتتەمەلەرى مەن اكتيۆتەرى ۇلتتىق ۆاليۋتادا بەكىتىلگەن. جاسالعان كەلىسىمشارتتار بويىنشا الىناتىن باسپانالار مەن جاساقتالعان پۋلدار بويىنشا باسپانا قۇنى وزگەرىسسىز قالادى.
ايتا كەتەيىك، وسى ۋاقىتقا دەيىن بانك 3,5 - 5 % ۇستەماقىمەن 32 مىڭ زاەم، 5-7 % ۇستەماقىمەن 7 مىڭعا جۋىق زاەم، 7,2-10 % ۇستەماقىمەن 22 مىڭداي زاەم بەرىپ ۇلگەردى. ال، بانكتىڭ قولدانىستاعى تاريفتىك باعدارلاماسى ىسكە قوسىلعاننان بەرى تۇرعىن ءۇي زاەمدارى بويىنشا پايىزدىق ۇستەماقى وزگەرتىلگەن جوق. ارالىق زاەمدار بويىنشا پايىزدىق مولشەرلەمە 2013 جىلدىڭ 1 قاڭتارىندا 30 پايىزعا تومەندەتىلدى.