پاۆلودار وبلىستىق اۋدانارالىق مامانداندىرىلعان سوتىندا قارالىپ جاتقان ەكس-اكىم ەرلان ارىننىڭ ىسىنە قاتىستى  مەملەكەتتىك ايىپتاۋشى ونى بەس جىلعا باس بوستاندىعىنان ايىرىپ، جازاسىن قاتاڭ تارتىپتەگى كولونيادا وتەۋگە سوتتاۋدى سۇرادى.

 - سوتتالۋشىنىڭ كامەلەتكە تولماعان بالالاردىڭ اكەسى بولۋىن، ەل جانە جاس بۋىن وكىلدەرى الدىنداعى ەڭبەگى مەن دەنساۋلىق جاعدايىن ەسكەرە وتىرىپ، جازاسىن وتەۋ ءۇشىن بەس جىلعا باس بوستاندىعىنان ايىرۋدى سۇرايمىن. سونىمەن قاتار مۇلكىن تاركىلەپ، مەملەكەتتىك قىزمەتتى اتقارۋدان جەتى جىلعا دەيىن شەتتەتۋدى تالاپ ەتەمىن، - دەدى مەملەكەتتىك ايىپتاۋشى راديمحان دۋباەۆا.