وڭتۇستىك قازاقستان وبلىستىق ىشكى ساياسات باسقارماسى 2014 جىلعى 25 قاراشا مەن 10 جەلتوقسان ارالىعىندا شىمكەنتتە بەلگىلى سۋرەتشى اڭساعان مۇستافانىڭ «سويلە، سۋرەت!» اتتى جەكە كورمەسىن وتكىزۋگە ۇيىتقى بولىپ وتىر. الەۋمەتتىك تاقىرىپتارعا ارنالعان گرافيكالىق سۋرەتتەر كورمەسىنە اۆتوردىڭ 50-گە جۋىق تۋىندىسى قويىلماق. اڭساعان قۇرمانعازىقىزىنىڭ كورمەسى وڭتۇستىك قازاقستان مەملەكەتتىك پەداگوگيكالىق ينستيتۋتىنىڭ عيماراتىندا اشىلادى دەپ جوسپارلانۋدا.

اڭساعان مۇستافانىڭ تۋىندىلارى تەك قازاقستاندا عانا ەمەس، سونداي-اق شەتەلدە دە تانىمالدىققا يە. قازاق جاستارىنا ارناپ سالىنعان سۋرەتتەرى تۇرىك، جاپون، گرۋزين، قىرعىز، اعىلشىن، ورىس كوركەمسۋرەت شەبەرلەرىنىڭ ىستىق ىقىلاسىنا بولەنىپ، الەمگە تارادى. كەيبىر سۋرەتتەرى فەيسبۋكتىڭ لاتىن امەريكا سەگمەنتىندە، جەرگىلىكتى ەڭ تانىمال ارتىستەردىڭ رەيتينگىسىنەن اسىپ تۇسكەن. بۇگىندە ەۋرووداق ەلدەرى مەن جاپونيادا تارايتىن جۋرنالدار ءوز بەتتەرىندە ا.مۇستافانىڭ قولىنان شىققان سۋرەتتەردى قايتا باسۋعا رۇقسات الىپ وتىر.

اباي-اقپارات