ۇلتتىق ەكونوميكا مينيسترلىگىنىڭ ستاتيستيكا جونىندەگى كوميتەتىنىڭ توراعاسى ءاليحان سمايىلوۆتىڭ ايتۋىنا سەنسەك، 2014 جىلدىڭ قاڭتارى مەن قىركۇيەگىنىڭ اراسىندا 21 مىڭنان استام ادام ەلدى تاستاپ كەتكەن. ولاردىڭ 19149-ى تمد ەلدەرىنە، ال 2142-ءى الىس شەتەلگە قونىس اۋدارعان. 
شەتەلگە كەتكەن 21291 ادامنىڭ 652-ءى - قازاق، 14168-ءى - ورىس، 6471-ءى - وزگە ەتنوc وكىلدەرى. ياعني شەتەلگە اۋا كوشكەندەردىڭ اراسىنداعى قازاق ۇلتى وكىلدەرىنىڭ سانى 3 پايىزدان اسپايدى دەگەن ءسوز.

سۇراق: ەلدى تاستاپ كەتىپ جاتقان قازاقتار كىمدەر؟ ەلدى تاستاپ كەتۋىنە نە سەبەپ؟ ولاردىڭ ماماندىعى، كاسىبى نە؟ شەتەلگە كەتكەن قازاقتار قانداي ەلدەردى تاڭداپ جاتىر؟

ال ەندى ءدال وسى ارادا ەلگە كەلگەن ازاماتتاردىڭ ەسەپ-قيسابى ءتىپتى قىزىق. 
توعىز ايدىڭ ىشىندە ەلگە 12264 ادام كوگىپ كەلگەن. ولاردىڭ 10736-ى تمد ەلدەرىنەن، قالعان 1528-ءى شەتەلدەن. ياعني ەلدەن كەتۋشىلەردىڭ سانى، ەلگە كەلۋشىلەردىڭ سانىنان 9127 ادامعا ارتىق. ميگراتسيالىق سالدومىز ويسىراپ جاتىر. 
وسى جەردە ءبىر گاپ بار. 
ەلگە كەلگەن 12264 ادامنىڭ نەبارى 40 پايىزى قازاقتار، ياعني - 4684 ادام. وسى 12264 ەلگە كەلگەن ادامنىڭ 17 پايىزى ورىس، ياعني - 2067 ادام.

سۇراق: سوندا ەلگە ورالعان 5231 ادام قاي ەتنوستىڭ، ۇلتتىڭ وكىلى؟ نە ءۇشىن، نە سەبەپتى كەلگەن ادامدار؟ ەلگە كەلگەن سوڭ قاي ايماققا قونىستانىپ جاتىر؟ قانداي كاسىپپەن اينالىسپاق؟ قازاقتى الدىرا الماي جاتىپ، وزگە ەتنوس وكىلدەرىنە نەگە باسىمدىق بەرۋىمىز كەرەك؟ ولاردىڭ بارلىعى اكادەميك پە، عالىم با، ينجەنەر مە؟

وسى 9 ايدىڭ ىشىندە ەلگە كوشىپ كەلگەندەردىڭ 88,3 پايىزى مەن ەلدەن كوشىپ كەتكەندەردىڭ 89,9 پايىزى تمد مەملەكەتتەرىنەن. قىتايدان، موڭعوليادان كوشىپ كەلگەن قانداستارىمىزدىڭ سانىن ەسەلەپ قىسقارعان.

سۇراق: سوندا بۇنىمىز نە ساياسات؟ كوشىپ كەلگەنىن قوياندىداعىداي ماسقارا قىلساق، ەلگە كىم كوشپەك؟ شەتەلدە جۇرگەن قازاقتىڭ بەلسەندىلىگىن قالاي ارتتىرماقپىز؟

وسىعان ناقتى جاۋاپتارىڭىز بولسا، ماعان ءتۇسىندىرىپ بەرىڭىزدەرشى؟ بالكىم، وسى ساۋالداردى ستاتيستيكا كوميتەتىنىڭ وكىلدەرى دە بايقاپ قالار. سولاردان دا ناقتى جاۋاپ كۇتەمىن.

ايدوس سارىم، ساياساتتانۋشى

Abai.kz