«بايتەرەك» ۇلتتىق باسقارۋشى حولدينگى جانە ونىڭ ەنشىلەس قۇرىلىمدارى «قازاقستاننىڭ ينۆەستيتسيالىق قورى» مەن «قازاقستان دامۋ بانكى» وڭتۇستىك قازاقستان وبلىسى اكىمشىلىگىمەن بىرلەسە شىمكەنتتەگى توقىما فابريكاسىن ىسكە قوستى

كاسىپورىننىڭ ىسكە قوسۋ شاراسىنا «قازاقستاننىڭ ينۆەستيتسيالىق قورى» اق باسقارما توراعاسى ەرلان ايتاليەۆ، «قازاقستان دامۋ بانكى» اق باسقارما توراعاسىنىڭ ورىنباسارى رينات سيسەمباەۆ، وڭتۇستىك قازاقستان وبلىسى اكىمىنىڭ ورىنباسارى ساپاربەك تۇياقباەۆ، «Textiles.kz» كومپانيالار توبىنىڭ پرەزيدەنتى شولپان جاراسوۆا جانە قازاقستان كاسىپكەرلەرى ۇلتتىق پالاتاسىنىڭ وكىلدەرى قاتىستى.

2012 جىلى «Textiles.kz» كومپانيالار توبىنا كىرەتىن «يۋتەكس» جانە «مەلانج» اكتسيونەرلىك قوعامدارىنىڭ توقىما فابريكالارى «داعدارىستان كەيىنگى قالپىنا كەلتىرۋ-2020» باعدارلاماسىنا ەنگىزىلگەن بولاتىن. 2014 جىلعى مامىر ايىندا ەكونوميكانى جاڭعىرتۋ بويىنشا مەملەكەتتىك كوميسسيا شەشىمىمەن «Textiles.kz» كومپانيالار توبىنىڭ مىندەتتەمەلەرى بويىنشا قۇقىقتى «قازاقستان دامۋ بانكى» اكتسيونەرلىك قوعامىنان «قازاقستاننىڭ ينۆەستيتسيالىق قورى» اكتسيونەرلىك قوعامىنا بەرۋ ماقۇلداندى. بارلىق ءوندىرىس كەزەڭدەرىن باقىلاۋ جانە شيكىزاتپەن قامتاماسىز ەتۋ بويىنشا مىندەتتەمەلەرىن «Capital logistics» جاۋاپكەرشلىگى شەكتەۋلى سەرىكتەستىگىنىڭ («قازاقستاننىڭ ينۆەستيتسيالىق قورى» اق-تىڭ 100% ەنشىلەس قۇرىلىمى) موينىنا الۋ جونىندە قازاقستاننىڭ ينۆەستيتسيالىق قورىمەن توقىما كاسىپورىندارىن ساۋىقتىرۋ جوسپارى جاساقتالعان بولاتىن. ءوز كەزەگىندە، قازاقستاننىڭ دامۋ بانكى «Capital logistics» سەرىكتەستىگىنە «يۋتەكس kz» اق كەشەنىنىڭ وندىرىستىك قۇرىلىسىن اياقتاۋ ءۇشىن جانە «مەلانج»، «يۋتەكس» جانە «يۋتەكس kz» اكتسيونەرلىك قوعامدارىنا ماقتا تالشىقتارىن ساتىپ الۋى ءۇشىن نەسيە جەلىسىن بەرگەن.

ءسويتىپ، «مەلانج» جانە «يۋتەكس» اكتسيونەرلىك قوعامدارى  فابريكالارىنىڭ ىسكە قوسىلۋىنان ءوندىرىس قۋاتتىلىعى جىلىنا 17,8 مىڭ توننانى، ال دايىن توقىما ءونىمى جىلىنا 8,4 ملن. مەتر بويىن قۇرايتىن بولادى. قۇرىلىستىڭ اياتالۋى مەن «يۋتەكس kz» فابريكاسىنىڭ ىسكە قوسىلۋى ناتيجەسىندە 2016 جىلى ءجىپ ءوندىرىسىنىڭ قۋاتتىلىعى جىلىنا 8,4 مىڭ توننانى قۇراسا، دايىن توقىما ءونىمى جىلىنا 10,6 ملن.مەتر بويىن قۇرايتىن بولادى. بۇگىنگى تاڭدا فابريكالاردا 400-دەن استام ادام جۇمىس ىستەيدى جانە جوعارىدا اتالعان ءۇش توقىما كاسىپورىندارىنىڭ تولىققاندى وندىرىستىك قۋاتتىلىققا شىققاننان كەيىن 2000-نان استام ادام جۇمىس ورىندارىمەن قامتاماسىز ەتىلەتىن بولادى.    

وندىرىلەتىن ءونىمنىڭ 30%-ىن – توسەك-ورىن تىستارى، تۇكتى سۇلگىلەر ونىمدەرى مەن ارنايى كيىمدەردى قازاقستاننىڭ ىشكى  نارىعى تۇتىنادى. وندىرىلەتىن ءونىمنىڭ قالعان 70%-ىن – توسەك-ورىن تىستارى، تۇكتى سۇلگىلەر ونىمدەرى، توقىما جىپتەرى مەن سۇلگى ماتالار قىتاي مەن ەۋروپا ەلدەرىنە ەكسپورتتالادى.  

قازىرگى ۋاقىتتا «قازاقستان تەمىر جولى» توسەك-ورىن تىستارى مەن ارنايى كيىمدەر – دايىن ونىمدەردى ساتىپ الۋعا ۇزاقمەرزىمدى كەلىسىم-شارتقا وتىردى.