سۋرەتتە: شاكارىم قۇدايبەردىۇلى

شاكارىم قاجىنىنڭ وسىنداي ءسوزىن كوزىم شالدى. "قازاق ادەبيەتىندە" جانىبەك ءاليماننىڭ ەلتاي ەرنازاروۆ دەگەن شولاقبەلسەندى تۋرالى ماقالاسى ءجۇر ەكەن.
سيتات:
"كوزىقاراقتى كەيىنگى جۇرتقا ە.ەرنازاروۆ ەسىمى تانىس. ف.گولوششەكينمەن قازاق­ستان­دا كىشى قازان توڭكەرىسىن ۇيىم­داس­ىرىپ، قول­دان اشتىق جاساۋشى تا­قىر­شەكەنىڭ (ف.گ) قول­شوقپارى. شالاساۋاتتى ونى رەسەي 1927-1934 جىلدارى قا كسر ورتالىق ات­قارۋ كوميتەتىنىڭ توراعاسى ەتىپ قويعان­دىق­تان، ەل اراسىندا «ەلتاي اعام وقىماي-اق ەل باس­قارعان» دەگەن كەكەسىن ءسوز بار. باسقاسىن ايت­پاعاندا، وڭتۇستىك قازاقستان وبلىستىق مۇراعا­تىنداعى تاركىلەۋگە قاتىستى قۇجات­تىڭ بارىندە وسى «ەلتاي كوسەمنىڭ» قولى بار. ق.مۇحامەتحانوۆ «شاكارىم» اتتى ماقا­لا­سىن­دا اقىن مەن ەلتايدىڭ شىڭعىستاۋداعى كەز­دەسۋىن كوزىمەن كورگەن ايۋباي كەنەسا­ريننىڭ (1906 جىلى تۋعان) مىناداي ەستەلىگىن اي­تادى:

سۋرەتتە: ەلتاي ەلنازاروۆتىڭ قابىرى

«وسى اۋدانعا قازاق ۇكىمەتىنىڭ باس­تىعى ەل­تاي ەرنازاروۆ كەلگەندە (1931) شاكارىم سول كىسىگە كىرىپ، اڭگىمەلەسىپ، شىعىپ تۇرعاندا كور­دىم. جازدىگۇنى بولاتىن. ەلتايعا ارنالىپ، قاراۋىل وزەنىنىڭ جاعاسىنا بىرنەشە ءۇي تىگىلگەن-ءدى. ەلتاي وتىرعان ءۇيدى ميليتسيا ادام­دارى كۇزەتىپ تۇردى. ارىز ايتا كەلگەندەر وتە كوپ ەدى. بىرقاتارى كىرۋگە رۇقسات الا ال­ماي، كۇنۇزاق توسۋمەن بولدى. سول كۇنى اتاق­تى ونەر يەسى، ءانشى اعاشاياق رەتىن تاۋىپ كىرىپ، سيىرىمدى قايتارىپ بەرەتىن بولدى دەپ قۋانىپ شىقتى. باسقالارى ارىزىمىز شە­شىلمەدى دەپ رەنجىپ شىعىپ جاتتى.
ءبىر كەزدە ەلتاي وتىرعان ۇيدەن شاكا­رىم دە شىعىپ كەلىپ، تۇرعان حالىققا: «مالدان اي­رىلعان ەلدىڭ اشىعا باستا­عانىن ايتىپ، ءتاۋىر-اق سويلەستىم. كونبەدى. ماسەلە شەشە­تىن باسشىعا ۇقسامايدى. بوسقا اۋرە بوپ كىر­مەي-اق قويىڭدار»، – دەپ اتىنا ءمىنىپ، ءجۇ­رىپ كەتتى. وسى كەزدە­سۋدىڭ بەلگىسىندەي مى­نا­داي ولەڭ جولدارى بۇگىنگە جەتتى: