ەلباسى نۇرسۇلتان نازارباەۆتىڭ بريۋسسەلگە جاساعان جۇمىس ساپارى اياسىندا قازاقستان مەن ەۋروپالىق وداق اراسىندا قر-دىڭ دۇنيەجۇزىلىك ساۋدا ۇيىمىنا كىرۋى جونىندەگى ەكىجاقتى كەلىسسوزدەردى اياقتاۋ تۋرالى بىرلەسكەن قۇجاتقا قول قويىلدى.  بۇل تۋرالى قازاقپارات حابارلادى.

قر پرەزيدەنتى نۇرسۇلتان نازارباەۆ پەن ەۋروكوميسسيا توراعاسى جوزە مانۋەل بارروزۋ قاتىسقان راسىمدە قۇجاتقا قازاقستاندىق تاراپتان ەكونوميكالىق ينتەگراتسيا ءىسى جونىندەگى مينيستر جانار ايتجانوۆا، ال ەۋروپالىق تاراپتان ساۋدا ماسەلەلەرى جونىندەگى ەۋروكوميسسار  كارل دە گيۋحت قول قويدى. 

«بۇگىن ءبىز ج.بارروزۋ مىرزامەن ەۋروپالىق وداق پەن قازاقستان اراسىنداعى كەڭەيتىلگەن ارىپتەستىك جانە ىنتىماقتاستىق تۋرالى جاڭا كەلىسىم كەلىسسوزدەرىنىڭ اياقتالعانىن رەسمي قۋاتتادىق. سونىمەن قاتار، قازاقستاننىڭ ەۋرووداقپەن دسۇ-عا كىرۋ تۋرالى اراداعى كەلىسسوزدەرى اياقتالعانى تۋرالى قۇجاتقا قول قويىلدى. بۇل ەكەۋى دە ءبىزدىڭ ەلىمىز ءۇشىن كوپتەن كۇتكەن جانە وتە ماڭىزدى قۇجاتتار»، - دەدى قر پرەزيدەنتى ن.نازارباەۆ. 

اباي-اقپارات