قىتايدا «قازاق تاريحىنىڭ دەرەكتەرى» كىتابى جارىققا شىققانىن 24.kz ارناسى  حابارلادى.  الەمنىڭ ءار تۇكپىرىندە تارىداي شاشىراپ جۇرگەن قانداستارىمىز تاريحى مەن ءتول تىلىنە سۋسىنداۋى ءۇشىن كىتاپ اسا قاجەت. 1,5 ميلليونعا جۋىق قانداستارىمىز تۇراتىن قىتايدا قازاق تىلىندە كىتاپ شىعاراتىن ساناۋلى عانا باسپا بار. سونىڭ ءبىرى – بەيجىڭدەگى ۇلتتار باسپاسى. اشىلعانىنا 60 جىل بولعان بەيجىڭدەگى ۇلتتار باسپاسىندا نەگىزىنەن قىتايداعى 5 ۇلتتىڭ كىتابى جارىققا شىعادى. وندا قازاق، كورەي، موڭعول، تيبەت جانە ۇيعىر تىلدەرىندە كىتاپ جارىق كورەدى. از ۇلتتار ءتول تۋىندىلارىن قىتايشا ءتارجىمالاپ قانا قويماي، انا تىلدەرىندە دە تاراتا الادى. ال قازاق رەداكتسياسىندا 23 ادام جۇمىس ىستەيدى. مۇناي ءابىلبايۇلى شاكىرتىنە كىتاپتى كوركەمدەۋدىڭ قىر-سىرىن ۇيرەتىپ جاتىر. قىزىعى مەن شىجىعى قاتار جۇرەتىن باسپادا جۇمىس ىستەگەلى 30 جىلعا جۋىقتادى. قازىر قازاقشا كىتاپتىڭ ساۋاتتى شىعۋىنا جاۋاتى اعا رەداكتور قىزمەتىن اتقارادى. بيىل رەداكتسيا «قازاق تاريحىنىڭ دەرەكتەرى» دەگەن 3 تومدىقتى شىعاردى. بۇل وسى جىلدىڭ ەڭ سۇبەلى ەڭبەگى بولدى. باسپادا ءبىر جىلدا قازاق قالامگەرلەرىنىڭ 300-دەن استام تۋىندىسى ءتارجىمالانىپ جانە تۇپنۇسقاسىمەن باسىلىپ شىعادى ەكەن. بۇدان بولەك، قازاق اۋىز ادەبيەتىنىڭ تاريحى مەن ماقال-ماتەلدەردىڭ بىرنەشە تومى جارىق كورگەن. بالالار ادەبيەتى دە ۇمىت قالماعان.

اباي-اقپارات