اقمولا وبلىسىنىڭ اكىمى سەرگەي كۋلاگين “ساۋناعا تەاتر ارتىستەرىن شاقىرىپ، قويىلىمىن حالاتپەن تاماشالاعاندارىڭىز راس پا؟” دەگەن 31 ارنانىڭ  ساۋالىنا جاۋاپ بەردى. ايماق باسشىسى، ءۇش بىردەي ساياسي تۇلعانى ايىپتاعان داۋلەت قۋانىشپاەۆ تۋرالى دا پىكىر ءبىلدىردى، - دەپ حابارلايدى Nur.kz.

 ەستەرىڭىزدە بولسا، وتكەن اپتادا داۋلەت قۋانىشپاەۆ دەگەن ازامات: “زەرەندىگە كەلىپ دەمالعان ءۇش ايماق باسشىسى ياعني، اقمولا وبلىسىنىڭ اكىمى سەرگەي كۋلاگين، قوستاناي وبلىسىنىڭ سول كەزدەگى اكىمى نۇرالى سادۋاقاسوۆ جانە سولتۇستىك قازاقستان وبلىسىنىڭ اكىمى ەرىك سۇلتانوۆ ساۋناعا تەاتر ارتيستەرىن شاقىرتىپ، قويىلىمىن تاماشالادى” دەپ ايىپتاعان بولاتىن.

“قىرىقتان اسقان اپكەمنىڭ اكىمدەردىڭ الدىندا مونشادا ونەر كورسەتىپ، قورلانعانىنا نامىستاندىم” دەگەن بەلسەندى قولىمدا ايعاقتارىم دا بار دەگەن ەدى. ساياسي تۇلعالارعا قاتىستى بۇل ايىپتاۋ قوعامدا ۇلكەن داۋ تۋعىزعان بولاتىن.

اقمولا وبلىسىنىڭ اكىمى سەرگەي كۋلاگين: “ەشقانداي تەاتر ارتيستەرىن ساۋناعا شاقىرعان جوقپىز، بۇل – جالا” دەپ ءوزىن ايىپتاعاندارعا رەنىشىن ءبىلدىردى. ال ء“ۇش اكىمدى مونشادا حالاتپەن وتىرىپ، قويىلىم تاماشالادى” دەپ ايىپتاپ، ار-نامىسىنا تيگەن داۋلەت قۋانىشپاەۆتى سوتقا بەرۋگە ۋاقىتىم جوق. ول ازاماتپەن كەزدەسىپ، كوزبە-كوز تىلدەسۋگە ءازىرمىن” دەدى.

“مەن نە ءۇشىن شاعىم تۇسىرەمىن. مەن وندا بولعان جوقپىن. الگى اداممەن كەزدەسىپ، ءبارىن انىقتاۋعا دايىنمىن. ەگەر وندا بولماسام، نە ايتۋعا بولادى”، – دەيدى سەرگەي كۋلاگين.

ءوزىمدى قارالاعاندارمەن سوتتاسا بەرسەم، جۇمىستى كىم ىستەيدى دەگەن سەرگەي كۋلاگين بوس ۋاقىتىمدا ەشقايدا بارمايمىن، توي-تومالاقتاردا كوڭىل كوتەرمەيمىن دەيدى. اتتاپ باسسام، اقپارات قۇرالدارى ءار ءساتىمدى اڭدىپ، جالپاق جۇرتقا جاريالاپ جىبەرەدى دەگەن ساياسي تۇلعا، تەاتردىڭ وزىنە وتە سيرەك باراتىنىن ايتتى…

“وكىنىشكە قاراي، مەن تەاترعا وتە سيرەك بارامىن. مەن تۋعان كۇن، ۇيلەنۋ توي دەگەندەرگە مۇلدە بارمايمىن. مەن ەشقايدا بارمايمىن. ويتكەنى، جۋرناليستەر كورەدى دە، بىردەن جاريالاپ جىبەرەدى. مەن جۇمىستان باسقا ەشقايدا بارمايمىن”، – دەيدى كۋلاگين.

اباي-اقپارات