اقمولا، قوستاناي، سقو وبلىستارىنىڭ اكىمدەرى ۇيىمداستىرعان ساۋنا-شوۋدى جۋرناليستەرگە ايتىپ بەرگەن داۋلەت قۋانىشباەۆ اشتىق جاريالادى. ونىڭ مۇنداي شەشىم قابىلداۋىنا كۇشتىك قۇرىلىمدار تاراپىنان جاسالعان قىسىم سەبەپ بولعان، – دەپ حابارلايدى radiotochka.kz سايتى.

ەستەرىڭىزگە سالامىز، اقمولا، قوستاناي، سقو وبلىستارىنىڭ اكىمدەرى سەرگەي كۋلاگين، نۇرالى سادۋاقاسوۆ جانە ەرىك سۇلتانوۆتار 29 تامىز كۇنى اقمولا وبلىسى زەرەندى اۋىلىنداعى ساۋناعا بۇكىل تەاتر ترۋپپاسىن شاقىرىپ، ساۋنا-شوۋ جاساعانىن بۇعان دەيىن جازعان بولاتىنبىز.

ەندى كۇشتىك قۇرىلىمدار وسى جايدى جۋرناليستەرگە ايتىپ بەرگەن ش.قۇسايىنوۆ اتىنداعى درامالىق تەاتردا قىزمەت جاسايتىن ءارتىستىڭ اعاسى داۋلەت قۋانىشباەۆتىڭ وتباسىنا قىسىم جاسالىنىپ جاتقان كورىنەدى.  

 "مەن كىمدەرمەن قارسى شىعىپ وتىرعانىمدى ءبىلدىم جانە ادىلەتسىزدىك پەن زاڭسىزدىقتان شارشادىم»، – دەپ جازادى داۋلەت Facebook-تەگى جەكە پاراقشاسىنا.

 «قازىر مەنىڭ وتباسىما قىسىم جاسالىپ وتىر. اقمولا وبلىستىق ىشكى ىستەر باسقارماسى اتباسار ءاىىب ارقىلى اعام سەرىك (تۇپنۇسقادا وسىلاي جازىلعان) قۋانشباەۆقا باقىلاۋ كۇشەيتىلدى. سىزدەر وتباسىمنىڭ باسىن قاتەرگە تىگىپ وتىرعان مەنەن «نە ويىم بارلىعىن» سۇراپ وتىرسىزدار. ونسىز دا وسىندا كوپ ادامدار ءبىزدىڭ اكىمدەر قانداي «مۇباراك» ادام ەكەنىن، ونىڭ كەلبەتى قوستانايداعى شىركەۋلەردىڭ بىرىندە ىلىنگەنىن ايتىپ جاتىر. سولاي، ونىڭ ماشيناسى ءالى ساقىلداپ تۇر»، - دەيدى ول.  

داۋلەت قۋانىشباەۆ ءوزىنىڭ ءسوزىن دالەلدەيتىن اۋديو-جازبا بار ەكەنىن دە ايتتى. ول ول فايلدى انتيكوررۋپتسيالىق مەديا ورتالىققا وتكىزگەن. ونىڭ سوزىنە سۇيەنسەك، ساۋناداعى قويىلىم جايلى تەاتر ارتىستەرى دە بار شىندىقتى ايتۋعا دايىن، بىراق ولاردىڭ ءوز تالاپتارى بار كورىنەدى. بۇل ماسەلەمەن اينالىساتىندار ارتىستەردى قورقىپ-ۇركىتپەسە، ارتىنان قىسىم جاساماسا، ولار بار شىندىقتى جايىپ سالا الادى. ويتكەنى مۇنداي  تۇسىنىكسىز ءىس-ساپارلار ءبىرىنشى رەت بولىپ وتىرعان جوق.

ءشارىپحان قايسار

Abai.kz