«حالىق بانكتىڭ» ءتورايىمى ءۇمىت شاياحمەتوۆا ورتاق ۆاليۋتاعا قاتىستى ءوز پىكىرىن ءبىلدىردى، – دەپ حابارلايدى Abai.kz پورتالى Nur.kz سايتىنا سىلتەمە جاساپ. ءۇمىت شاياحمەتوۆا ۆاليۋتالىق تاۋەلسىزدىگىن جوعالتقان ەل ساياسي تاۋەلسىزدىگىنەن دە ايرىلاتىنىن ايتقان.  

«مەن بۇل ماسەلەگە (ەاەو پەن تمد-عا ورتاق ۆاليۋتا ەنگىزۋگە) نەگاتيۆتى كوزقاراسپەن قارايمىن. بۇل مەنىڭشە ارىپتەستىك، دوستىق قادام ەمەس، ەگەر دۇرىس جول بولسا، ء بارىمىز بىرلەسە ورتاق شەشىمگە كەلۋ ءۇشىن الدىمەن بۇل جاعداياتتى تالقىلاۋعا سالىپ، ءبىر-بىرىمىزبەن ءتۇسىنىسىپ الۋىمىز قاجەت ەدى. مەنىڭ ويىمشا، ەكونوميكالىق تۇرعىدا ۆاليۋتالىق تاۋەلسىزدىگىنەن ايرىلعان ەلدىڭ ساياسي تۇرعىدا دا تاۋەلسىزدىگى بولمايدى»، - دەدى بانك ءتورايىمى.

ەستەرىڭىزدە بولسا، كەشە رف پرەزيدەنتى ۆ. پۋتين مەملەكەتتىك دۋماعا قازاقستان، قىرعىزستان، ارمەنيا، بەلارۋسسيا جانە رەسەي ەلدەرىنىڭ اراسىنداعى قارجىلىق نارىق اينالىمىندا ءجۇرۋى ءتيىس ورتاق ۆاليۋتا تۋرالى زاڭنىڭ جوباسىن ۇسىنعان ەدى. ورتاق ۆاليۋتا ەاەو-عا مۇشە ەلدەر اراسىندا عانا ەمەس، جالپى تمد ەلدەرىنە ورتاق اقشانىڭ جوباسى بولاتىنى ايتىلعان-دى (http://abai.kz/post/view?id=4536). 

Abai.kz