قازاق پەن قىتاي بىرلەسىپ وتاندىق برەند سانالاتىن اۆتوكولىك شىعارماق
قازاقستان قىتايمەن بىرلەسىپ اۆتوكولىك ءوندىرىسىن جونگە كەلتىرەدى، - دەپ حابارلايدى Tengrinews.kz ءتىلشىسى.
بۇل تۋرالى جۋرناليستەرگە قر پرەزيدەنتىنىڭ قىتايعا رەسمي ساپارى بارىسىندا Allur Group باسشىسى اندرەي لاۆرەنتەۆ ايتىپ بەرگەن.
"بۇگىن بىزدە ەلەۋلى وقيعا - ۇلتتىق برەندتى شىعارۋ بويىنشا ىنتىماقتاستىق جونىندە كوپتەن كۇتكەن مەموراندۋمعا قول قويىلدى. ءبىز بۇگىن قىتايلىق JAC Motors كومپانياسى جانە زور ەكسپورتتاۋشى، يمپورتتاۋشى اگەنتتىك - SMS كومپانياسىمەن JAC برەندىمەن اۆتوكولىك ءوندىرۋ تۋرالى ءۇش جاقتى مەموراندۋمعا قول قويىپ قانا قويماي، ۇلتتىق برەندتى جارىققا شىعارۋ تۋرالى ستراتەگيالىق ارىپتەستىكتىڭ باستالعانىن جاريالادىق", - دەدى لاۆرەنتەۆ.
سونداي-اق: ء"بىز بۇل قۇزىرەتتى، ياعني ينجەنەرلىك قۇرام ماسەلەسىن تولىقتاي شەشكەننەن كەيىن، بىرتىندەپ وتاندىق برەندتى شىعارۋعا كوشەمىز", - دەدى Allur Group پرەزيدەنتى.
