استانا. 21 مامىر. قازتاگ - تۇركيا - قازاقستاننىڭ قورعانىس سالاسىنداعى باسىمدىقتى ارىپتەستەرىنىڭ ءبىرى. بۇل تۋرالى قازاقستاننىڭ قورعانىس ءمينيسترى ادىلبەك جاقسىبەكوۆ جۇما كۇنى استانادا تۇركيا رەسپۋبليكاسى باس شتابىنىڭ باستىعى، ارميا گەنەرالى يلكەر باشبۋگپەن كەزدەسۋدە ءمالىم ەتتى.

«تۇركيا - قازاقستاننىڭ قورعانىس سالاسىنداعى باسىمدىقتى ارىپتەستەرىنىڭ ءبىرى»، - دەپ اتاپ ءوتتى ۆەدومستۆو باسشىسى. «تۇركيانىڭ قارۋلى كۇشتەرىمەن اسكەري ىنتىماقتاستىق جوعارى دەڭگەيدە، سەنىمدى جانە وڭ ۇردىستە دامۋ ۇستىندە»، - دەپ ءمالىم ەتكەن ءمينيستردىڭ ءسوزىن قر قم ءباسپاسوز قىزمەتى كەلتىرىپ وتىر.

اسكەري جانە اسكەري-تەحنيكالىق سالاداعى ەكىجاقتى بايلانىستاردىڭ دامۋ قارقىنىنا قاناعاتتانارلىق سەزىم بىلدىرگەن تاراپتار بۇگىنگى كۇنى ەكى ەلدىڭ قاتىناستارى تۇراقتى جانە سەنىمدى ارىپتەستىك مانىنە يە بولعانىن جەتكىزدى.

قارۋلى كۇشتەردىڭ ءوزارا ىقپالداستىعىنىڭ نەگىزگى باعىتتارى - قازاقستاندىق اسكەري قىزمەتكەرلەردىڭ تۇركيانىڭ اسكەري-وقۋ ورىندارىندا ءبىلىم الۋى، ارنايى ماقساتتاعى قازاقستاندىق بولىمشەلەردى جاتتىقتىرۋ جانە جابدىقتاۋ، قازاقستان قارۋلى كۇشتەرىن رەفورمالاۋ پروتسەسىنە قولداۋ كورسەتۋ.

استانا. 21 مامىر. قازتاگ - تۇركيا - قازاقستاننىڭ قورعانىس سالاسىنداعى باسىمدىقتى ارىپتەستەرىنىڭ ءبىرى. بۇل تۋرالى قازاقستاننىڭ قورعانىس ءمينيسترى ادىلبەك جاقسىبەكوۆ جۇما كۇنى استانادا تۇركيا رەسپۋبليكاسى باس شتابىنىڭ باستىعى، ارميا گەنەرالى يلكەر باشبۋگپەن كەزدەسۋدە ءمالىم ەتتى.

«تۇركيا - قازاقستاننىڭ قورعانىس سالاسىنداعى باسىمدىقتى ارىپتەستەرىنىڭ ءبىرى»، - دەپ اتاپ ءوتتى ۆەدومستۆو باسشىسى. «تۇركيانىڭ قارۋلى كۇشتەرىمەن اسكەري ىنتىماقتاستىق جوعارى دەڭگەيدە، سەنىمدى جانە وڭ ۇردىستە دامۋ ۇستىندە»، - دەپ ءمالىم ەتكەن ءمينيستردىڭ ءسوزىن قر قم ءباسپاسوز قىزمەتى كەلتىرىپ وتىر.

اسكەري جانە اسكەري-تەحنيكالىق سالاداعى ەكىجاقتى بايلانىستاردىڭ دامۋ قارقىنىنا قاناعاتتانارلىق سەزىم بىلدىرگەن تاراپتار بۇگىنگى كۇنى ەكى ەلدىڭ قاتىناستارى تۇراقتى جانە سەنىمدى ارىپتەستىك مانىنە يە بولعانىن جەتكىزدى.

قارۋلى كۇشتەردىڭ ءوزارا ىقپالداستىعىنىڭ نەگىزگى باعىتتارى - قازاقستاندىق اسكەري قىزمەتكەرلەردىڭ تۇركيانىڭ اسكەري-وقۋ ورىندارىندا ءبىلىم الۋى، ارنايى ماقساتتاعى قازاقستاندىق بولىمشەلەردى جاتتىقتىرۋ جانە جابدىقتاۋ، قازاقستان قارۋلى كۇشتەرىن رەفورمالاۋ پروتسەسىنە قولداۋ كورسەتۋ.

ەكىجاقتى ىنتىماقتاستىقتىڭ ماڭىزدى باعىتتارىنىڭ ءبىرى قر قك ارنايى ماقساتتاعى بولىمشەلەرىن جاتتىقتىرۋ جانە جابدىقتاۋ بولىپ تابىلادى. قازاقستاندىق اسكەري قىزمەتكەرلەردى دايىنداۋ تۇركيالىق نۇسقاۋشىلاردىڭ قاتىسۋىمەن قازاقستان رەسپۋبليكاسىنىڭ اۋماعىندا جانە تۇركيا رەسپۋبليكاسىنىڭ اۋماعىندا وقۋ پروتسەسىن ۇيىمداستىرۋ ارقىلى وتەدى، دەلىنگەن ءباسپاسوز مالىمدەمەسىندە.

ۆەدومستۆونىڭ حابارلاۋىنشا، بۇگىنگى كۇنى تۇركيالىق ينسترۋكتورلار «كوماندوس»، «ارنايى جاساق»، «سنايپەرلەردى دايىنداۋ» جانە «ىشكى قاۋىپسىزدىك» باعدارلامالارى بويىنشا 500-دەن اسا قازاقستاندىق جاۋىنگەردى دايىنداپ شىعاردى. 2007 جىلدان بەرى تۇركيالىق نۇسقاۋشىلار اەروۇتقىر اسكەرلەردىڭ ارنايى بولىمشەلەرىن «كوماندوس» كۋرسى بويىنشا وقىتا باستادى، ونى 400 اسكەري قىزمەتكەر تابىستى اياقتادى.

كەزدەسۋ بارىسىندا ءا.جاقسىبەكوۆ قازاقستاندىق كۋرسانتتاردى تۇركيانىڭ اسكەري وقۋ ورىندارىندا وقىتۋ مۇمكىندىگى ءۇشىن شەتەلدىك قوناققا العىس ءبىلدىردى. كەلىسسوز سوڭىندا ەكى جاق بۇگىنگى كەزدەسۋ ەكى ەل قورعانىس ۆەدومستۆولارىنىڭ اراسىنداعى ىنتىماقتاستىقتى دامىتۋعا جاڭا سەرپىن بەرەدى دەگەن سەنىم ءبىلدىردى.

وسى كۇنى تۇركيانىڭ اسكەري دەلەگاتسياسى جانە قازاقستاندىق اسكەريلەر قازىرگى تۇرىك مەملەكەتىنىڭ نەگىزىن قالاۋشى مۇستافا اتاتۇرىككە قۇرمەت كورسەتىپ، استانادا جاقىندا اشىلعان ونىڭ ەسكەرتكىشىنە گۇل شوقتارىن قويدى.