قازاقستان پرەزيدەنتى نۇرسۇلتان نازارباەۆ بەيجىڭگە ساپارى بارىسىندا قىتايلىق كورپوراتسيا باسشىلارىمەن كەزدەستى دەپ حابارلايدىاقوردانىڭ ءباسپاسوز قىزمەتى.

ءباسپاسوزدىڭ حابارلاۋىنشا، ەلباسى «سيتيك گرۋپپ» كورپوراتسياسىنىڭ ديرەكتورلار كەڭەسىنىڭ توراعاسى چان چجەنمينمەن كەزدەستى.

كەزدەسۋ بارىسىندا بىرلەسكەن ينۆەستيتسيالىق جوبالاردى جۇزەگە اسىرۋ، سونداي-اق، قازاقستاننىڭ «نۇرلى جول» باعدارلاماسى اياسىنداعى ينفراقۇرىلىمدىق دامۋىنا كومپانيانىڭ قاتىسۋى ماسەلەلەرى تالقىلاندى.

مەملەكەت باسشىسى “سيتيك گرۋپپ” كورپوراتسياسى مەن قازاقستاننىڭ جاقسى ىنتىماقتاستىق تاريحى بار ەكەنىن اتاپ ءوتتى.

ء“بىز بىرلەسىپ جۇمىس ىستەگەن جىلدارى مول تاجىريبە جينادىق. كومپانيا قازاقستاننىڭ نارىعىنداعى قىزمەتى كەزىندە وڭ ناتيجەلەرگە جەتتى. قازىر جاڭا زامان كەلە جاتىر، جاڭا جوبالار مەن مىندەتتەر تۋىنداۋدا”، – دەدى نۇرسۇلتان نازارباەۆ.

چان چجەنمين كومپانياعا كوپ جىلدار قولداۋ كورسەتكەنى جانە ەلدە شەتەلدىك ينۆەستورلارعا قولايلى جاعداي جاساعانى ءۇشىن مەملەكەت باسشىسىنا العىس ايتتى.

سونىمەن قاتار ءباسپاسوز-قىزمەتى قازاقستان پەرزيدەنتىن «تسينحۋا» كورپوراتسياسى باسقارماسىنىڭ توراعاسى حو تسينحۋامەن كەزدەسكەنىن مالىمدەدى.

كەزدەسۋ بارىسىندا تاراپتار ەنەرگەتيكا سەكتورىنىڭ دامۋ پەرسپەكتيۆالارىن، سونداي-اق، كورپوراتسيانىڭ قازاقستاننىڭ كومىر ونەركاسىبىنە قاتىسۋىن ۇلعايتۋ ماسەلەلەرىن قاراستىردى.

نۇرسۇلتان نازارباەۆ «تسينحۋا» كورپوراتسياسىمەن بۇرىن قول جەتكىزىلگەن ۋاعدالاستىقتار ءبىزدىڭ ەلىمىز ءۇشىن سەرپىندى ءمانى بار ەكەنىن ايتتى.

ء“سىزدىڭ كومپانيا قازاقستاندا ءبىرىنشى رەت كومىردى كەشەندى وڭدەۋدەن وتكىزەدى. ونىڭ مول قورى بار ەكەنىن ەسكەرسەك، بۇل ءبىزدىڭ ەنەرگيا تەڭگەرىمى ءۇشىن زور مانگە يە”، – دەدى مەملەكەت باسشىسى.

سونداي-اق، بۇگىن پرەزيدەنت CNPC كورپوراتسياسىنىڭ ديرەكتورلار كەڭەسىنىڭ توراعاسى ۆان يلينمەن كەزدەستى.

كەزدەسۋدە قازاقستاننىڭ مۇناي-گاز سالاسىنىڭ جاڭا ەكونوميكالىق جاعدايداعى دامۋىنا كورپوراتسيانىڭ قاتىسۋى ماسەلەلەرى تالقىلاندى.

مەملەكەت باسشىسى رەسپۋبليكامىز بەن CNPC كومپانياسىنىڭ زور ىنتىماقتاستىق تاجىريبەسى بار ەكەنىن، وسى جىلدار ىشىندە تاراپتار ءوزارا ءىس-قيمىلدىڭ قوماقتى بازاسىن قالىپتاستىرعانىن ايتتى.

“كومپانيانىڭ مۇناي-گاز نارىعىنا قاتىسۋى – ءبىزدىڭ قحر-مەن ىنتىماقتاستىعىمىزدىڭ باستى تارماقتارىنىڭ ءبىرى. ءسىزدىڭ كورپوراتسيا كومىرسۋتەگىن ءوندىرۋ، تاسىمالداۋ جانە وڭدەۋ سالاسىندا جۇمىس ىستەيدى. بيىلدان باستاپ CNPC-ءدىڭ قازاقستان پرەزيدەنتى جانىنداعى شەتەلدىك ينۆەستورلار كەڭەسىنىڭ قۇرامىنا كىرۋىنىڭ دە ماڭىزى بار”، – دەدى نۇرسۇلتان نازارباەۆ.

قازاقستان پرەزيدەنتى كورپوراتسيانىڭ قاتىسۋىمەن ەلىمىزدە جۇزەگە اسىرىلىپ جاتقان ماڭىزدى جوبالارعا توقتالدى.

“قاشاعان كەنىشى يگەرىلىپ، شىمكەنت مۇناي وڭدەۋ زاۋىتى جاڭعىرتىلۋدا. ماڭعىستاۋ وبلىسىندا مۇناي-گاز جابدىقتارى كەشەنى، «بەينەۋ-بوزوي» گاز قۇبىرى سالىنۋدا. بۇل جوبالار زور ماڭىزعا يە جانە بۇگىن قحر توراعاسى سي تسزينپينمەن كەلىسسوزدەرىمىزدىڭ ارقاۋى بولادى”، – دەدى مەملەكەت باسشىسى.

نۇرسۇلتان نازارباەۆ كورپوراتسيانىڭ شيكىزات سەكتورىنان باسقا سالادا دا باي تاجىريبەسى بار ەكەنىن ايتتى. وسىعان بايلانىستى پرەزيدەنت  CNPC-ءدى استانادا قۇرىلۋى جوسپارلانىپ وتىرعان حالىقارالىق قارجى ورتالىعىنىڭ جۇمىسىنا دا بەلسەنە قاتىسۋعا شاقىردى.

سوڭىندا قازاقستان پرەزيدەنتى CNPC-ءدىڭ وزىق تەحنولوگيالار ازىرلەۋدەگى قىزمەتىنە جوعارى باعا بەردى جانە وسى باعىتتا بىرلەسە جۇمىس ىستەۋگە مۇددەلىلىك ءبىلدىردى.

ۆان يلين قازاقستان نارىعىندا جۇمىس ىستەگەن 20 جىل بويى كومپانياعا قولداۋ كورسەتكەنى ءۇشىن نۇرسۇلتان نازارباەۆقا العىس ايتتى.

ەلباسىنىڭ قحر-عا سپاراى وسىلايشا ناتيجەلى قورتىندالاندى.

قازاقستان رەسپۋبليكاسى پرەزيدەنتى قىتايمەن اراداعى شەكارا كەلىسىمى مەن ترانس شەكرالىق وزەن سۋلارىن ورتاق پايدالانۋ، سول سياقتى شانحاي ىنتىماقتاسىق ۇيمى سياقتى ءىس-شارالارارعا مۇرىندىق بولىپ كەلە جاتقانىن ەسكە سالامىز.

اباي-اقپارات