ءتۇرلى الەۋمەتتىك ماسەلەلەردىڭ شەشىلۋىنە تۇرعىندارعا ەندى پارلامەنت ءماجىلىسىنىڭ دەپۋتاتى ءۋاليحان بيشىمباەۆ قول ۇشىن بەرەتىن بولدى. «نۇر وتان» پارتياسىنىڭ قوعامدىق قابىلداۋىندا زاڭ اياسىندا قولداۋدان كورى قورلاۋعا تاپ بولعانداردىڭ جاعدايى ءسوز بولدى دەپ جازادى http://kz.otyrar.kz سايتى.

قازىعۇرتتىق 7 بالانىڭ اناسى اسىلكۇل سۇيەۋبەكوۆانىڭ ەكى ۇلى — ءى توپتاعى مۇگەدەك. ول كۇتۋشى رەتىندە ەڭبەكاقى الا الماي ءجۇر. ويتكەنى، پەرزەنتتەرى قازىر كامەلەت جاستان اسىپ كەتىپتى. بىراق بۇعان دەيىن تيەسىلى قارجىنىڭ تيىنىن دا المادىم دەيدى كەيۋانا.

اسىلكۇل سۇيەۋبەكوۆا: «اۋداندىق اكىمشىلىككە باردىم. ولار 5-6 بالا بولماسا بەرمەيمىز دەيدى. تابىس كوزى جوق. وزدەرىن ۇيگە تاستاپ كەتە المايسىڭ، ايتقانىن اپەرمەسەڭ، توپالاڭ شىعارادى. جۇمىس ىستەمەيمىن. مۇگەدەك ادام تۇرماق، ساۋ ادامنىڭ وزىنە قاراۋ وڭاي ەمەس قوي؟ قاراۋشىلار ەكى ساعاتقا كەلەدى دە كەتەدى. زەينەتاقىم جەتپەگەن سوڭ كەلىپ وتىرمىن.»

قوعامدىق قابىلداۋعا 7 ادام جازىلىپتى. ولار وزدەرىنىڭ كۇرمەۋى كۇردەلى ماسەلەسىن ارقالاپ، قاقپاعان ەسىگى قالماعانىن ايتادى. حالىقتىڭ مۇڭ-مۇقتاجىن تىڭداعان حالىق قالاۋلىسى جاۋاپتىلارعا زاڭ اياسىندا الەۋمەتتىڭ پروبلەماسىن شەشۋدى تاپسىردى.

ءۋاليحان بيشىمباەۆ، پارلامەنت ءماجىلىسىنىڭ دەپۋتاتى: «تەك قانا مىنا بيۋروكراتيالىق دوكۋمەنتكە سۇيەنبەي، كەز كەلگەن ماسەلە بويىنشا ىزدەنىپ، شەشۋ جولدارىن قاراۋ كەرەك. جاۋاپتىلارعا تاپسىرما بەردىم.»

قوعامدىق قابىلداۋدان قول ۇشىن بەرۋدى سۇرانعان ازاماتتاردىڭ ماسەلەسى جەرگىلىكتى بيلىك وكىلدەرىنىڭ جاۋاپتى تۇلعالارىنا تاپسىرىلدى. ال ونىڭ ورىندالۋىن دەپۋتات ءجىتى باقىلايتىنىن جەتكىزدى.

Abai.kz