تارازداعى ازىق-تۇلىك جانە ونەركاسىپ تاۋارلارى قر پرەمەر-ءمينيسترىنىڭ ورىنباسارى بەردىبەك ساپارباەۆتىڭ جامبىل وبلىسىنا جاساعان جۇمىس ساپارى باعدارلاماسىنىڭ ءبىر بولىگى بولدى. بۇل تۋرالى قازاقپارات جازدى.

ۆيتسە-پرەمەر تارازدا ونىنشى جىل جۇمىس ىستەپ جاتقان «سكيف-ترەيد» ساۋدا ۇيىندە بولدى. ب.ساپارباەۆتى بۇل سۋپەرماركەت سۇرىپتاماسىنداعى يمپورت تاۋارلارىنىڭ كولەمى جانە الەۋمەتتىك ماڭىزدى تاۋارلاردىڭ باعا دەڭگەيى قىزىقتىردى.

«سكيف-ترەيد» سو-نىڭ باسشىسى سۆەتلانا يمانبەكوۆانىڭ ايتۋىنشا، يمپورت تاۋارلارى شامامەن 30 پايىزدى قۇراپ وتىر، ال «قازاقستاندا جاسالعان» ارنايى تاقتايشالارىمەن بەلگىلەنگەن وتاندىق ءوندىرىس تاۋارلارى (70 پايىز) باسىم بولىپ تابىلادى.

«قازىرگى كەزدە باعالاردى كوتەرۋگە ەش نەگىز جوق. ونىمدەردى شىعارۋدى قانداي كەزەڭدە ورىندايسىزدار؟ ءبىر ايعا، بىرنەشە ايعا؟ سىزدە كەلىسىمدەرگە كەم دەگەندە ءبىر جىل بار. ەگەر كەلىسىمدەر ءبىر جىلعا جاسالسا، سىزدە تاۋارلاردىڭ باعاسىن كوتەرۋگە ەش نەگىز جوق»، - دەدى ب.ساپارباەۆ.

ۆيتسە-پرەمەر قالا اكىمىنە ازىق-تۇلىك جانە ونەركاسىپ تاۋارلارى باعالارىنىڭ جاعدايىن كۇن سايىن باقىلاپ وتىرۋدى تاپسىردى. «كوميسسيا، قانشا بولعانىن، قانشاسى قالعانىن كۇن سايىن تەكسەرۋى ءتيىس. ەگەر باعالاردىڭ ءوسۋى ورىن السا - قانداي نەگىزدە كوتەرىلگەنىن انىقتاۋى كەرەك»، - دەدى قر ۆيتسە-پرەمەرى. 

اباي-اقپارات