اقمولا وبلىسىندا 19 جاستاعى سارباز اتىلىپ قالدى. بۇل تۋرالى «قازاقپارات» تىلشىسىنە اقمولا وبلىستىق اۋرۋحاناسىنىڭ باس دارىگەرىنىڭ ورىنباسارى دميتري چايكوۆ ءمالىم ەتكەن.

دارىگەردىڭ ايتۋىنشا، مەرت بولعان سارباز 1996 جىلعى قىزىلوردا وبلىسىنىڭ تۋماسى. وتكەن كۇزدە عانا اسكەر قاتارىنا الىنىپ، اقمولا وبلىسىنىڭ گرانيتنىي كەنتىندەگى 166/25 مەكەمەسىندە اسكەري قىزمەتىن وتەپ جۇرگەن ەكەن. 

«بىزگە بەلگىلى مالىمەت - ساربازدىڭ ءوزى اسكەري قىزمەتىن وتەپ جۇرگەن مەكەمەدە كەزەكشىلىك ۋاقىتىندا 4-ءشى پوستاعى باقىلاۋ مۇناراسىندا اكم-74 قارۋىنان باسىنان اتىلىپ قالعانى. كەشە ءبىزدىڭ وبلىستىق اۋرۋحاناعا ول ساعات 10:50 شاماسىندا جەتكىزىلدى. الايدا ساربازدىڭ ومىرىنە اراشا ءتۇسۋ مۇمكىن بولمادى، ءحالى وتە اۋىر بولدى. قولدان كەلگەننىڭ ءبارىن جاسادىق. تۋرا جارتى ساعاتتان سوڭ ول تىلگە كەلمەستەن ءجانتاسىلىم ەتتى»، - دەدى باس دارىگەردىڭ ورىنباسارى.

اباي-اقپارات