ءاربىر مەملەكەتتىڭ ىشكى جانە سىرتقى ساياساتىن جۇرگىزەتىن - باق ەكەنىن ءبارىمىز دە جاقسى بىلەمىز... ءتىپتى، مەملەكەتتىڭ قاۋىپسىزدىگىنە دە باق تىڭ اسەرى وتە ۇلكەن ەكەنىن ساياساتكەرلەر ايتىپ جاتادى. دەگەنمەن، قازاقستاندا وسى قۇرالدار قالاي جۇمىس اتقارىپ جاتىر جانە بولاشاق مەملەكەتتىڭ دامۋىنا قانداي ۇلەس قوسىپ جاتىر دەگەن زاڭدى سۇراق تۋىندايدى. گازەت - جۋرنالداردىڭ كوبى - رەسەيدىكى... تەلەارنالارعا كەلەتىن بولساق، تۇشىمدى ەشتەڭە كورسەتە الا كەلمەي جاتقانى اششى بولسا دا - شىندىق. ولاي دەيتىنىم - قاي ارنانى قوسىپ قالساڭىز - ارزانقول داراقى قالجىڭ مەن انشىلەردىڭ جۇرگىزۋشى بولىپ العان شوۋ - باعدارلامالار. ءانشى - ءان ايتۋى كەرەك شىعار؟!!! ولاردىڭ تەلەارنادا جۇرگىزۋشى بولۋى - تۇسىنىكسىز جاعداي...

قايعىلى قارتاڭ بىزدەي شال، 
قاراي بەرسەڭ قايدا جوق، 
ەسەر، ەسىرىك بولماساڭ، 
تىرشىلىكتەن پايدا جوق، - دەگەن اباي حاكىمنىڭ ولەڭ جولدارى امالسىز ويىڭىزعا كەلەدى، وسى كورىنىستەردەن كەيىن. 
باۋىرجان - شوۋ سياقتى، قازاقتى مازاق ەتەتىن شوۋسىماقتاردىڭ قاپتاپ كەتكەنى، ەلدىڭ رۋحاني جاعىنان داعدارىسقا تۇسكەندىگىنىڭ كورسەتكىشى ەمەس پە؟ انا ءبىر جىلدارى قازاقتىڭ دانىشپان اقىنى ابايدىڭ ولەڭدەرىن باتىستىق رەپ ستيلىندە ايتىپ، بۇكىل قازاقتى مازاق ەتكەندە، سول باۋىرجان - شوۋعا ءبىر ادام: - قوي، قاراعىم، مىناۋىڭ دۇرىس ەمەس، - دەپ، ايتپاعانى وكىنىشتى - اق. ەكىنشىدەن، داراقى، داڭعازا، داڭعوي ادامدار تەلەديدارداعى كوپتەگەن شوۋلارعا قاتىسىپ، اۋزىنا كەلگەنىن سويلەپ كەتىپ جاتقانى، ءبىزدىڭ وسى باعىتتاعى مادەنيەتىمىزدىڭ ءبىر كورىنىسى ىسپەتتەس بولىپ كورىنەدى ماعان. ساياسي - ساراپتامالىق باعدارلامالاردا - ۆاكۋم... ونىڭ ورىنىن باسقا ەلدىڭ باعدارلاماسى باسىپ السا، وندا بۇكىل ىشكى ساياسات تا مەملەكەتتىكى بولىپ كەتەتىنىن ەل باسقارىپ وتىرعان ادامدار جاقسى بىلەدى. ولاي بولسا، وسى ءتورت اياعىنان بىردەي اقساپ جاتقان تەلەارنالاردىڭ ءبىرىن - ءبىرى قايتالاپ جاتقان باعدارلامالارىن جاۋىپ، قاجەت بولسا، تەلەارنانىڭ ءوزىن دە جاۋىپ تاستاعان دۇرىس شىعار؟!!! ۇلتتىق يدەيا، مەملەكەتتىك ءتىل، تاعى دا باسقا كوكەيكەستى ماسەلەلەر الەۋمەتتىك جەلىلەردە عانا ساراپتالىپ جاتقانى، نەنىڭ كورسەتكىشى ەكەنى بەسەنەدەن بەلگىلى. سوندىقتان، ويلاناتىن ۋاقىت جەتكەن سياقتى...

P.S الەمدەگى كوپتەگەن دۇربەلەڭدەر الەۋمەتتىك جەلى ارقىلى ءجۇرىپ جاتقانىن ءبىزدىڭ ساراپشىلار بىلمەيدى ەمەس، بىلەدى... بىلەتىن بولسا، ويلاناتىن ۋاقىت جەتتى!!!

سوۆەتقازى نۇرسيلا

Abai.kz