ەستونيا مەن رەسەي اراسىندا بيىكتىگى ەكى جارىم مەترلىك قامال تۇرعىزىلاتىن بولادى. ۇزىندىعى 108 كم بولاتىن قامال رەسەيدىڭ ەستونيامەن شەكاراسىنداعى ءۇش بىردەي جاياۋ اسكەر ورنالاسقان اسكەري ءبولىمىن كولەگەيلەپ قالادى. Postimees تاراتقان اقپاراتقا ساي، بۇنداي شەشىمدى پوليتسيا دەپارتامەنتى مەن شەكارانى قورعاۋ قىزمەتى شىعارعان. جوبانىڭ قۇنى 71 ميلليون ەۆرونى قۇرايدى، قۇرىلىسى 2018 جىلدان باستالادى دەپ كوزدەلگەن.

سونداي-اق، قامالعا قوسىمشا جابايى اڭداردىڭ دا وتۋىنە كەدەرگى بولاتىن قورشاۋ سالۋ دا ويلاستىرىلعان. ال باتپاقتى شەكارا اۋماقتارىندا بەكىنىس سالىنبايدى، تەك دىڭگەكتەر مەن باقىلاۋ جولاقتارى عانا جاسالاتىن بولادى. چۋد كولىنىڭ ۇستىنەن 600-دەن استام شەكارالىق سۋ قورشاۋى ورنالاستىرىلادى. شەكارا بويىمەن قويىلاتىن بەينەباقىلاۋان سىرت ۇشقىشسىز اپپاراتتار دا قاۋىپسىزدىكتى قاداعالايدى.

اتالعان جوبانىڭ قۇجاتى تامىز ايىنىڭ باسىندا لاتۆيانىڭ ءىىم-گە تۇسكەن.  وسى سالا بويىنشا باسشى ريحارد كوزلوۆسكيستىڭ مالىمدەۋىنشە، بۇنداي قامال جۇيەسى ورتالىق ازيا مەن تاياۋ شىعىستان كەلەتىن ميگرانتتارمەن كۇرەس ءۇشىن دە كەرەك. ونىڭ سوزىنشە بۇل قۇرىلىس 4 جىل ۋاقىت الادى. ايتا كەتسەك، رەسەي مەن ەستونيا اراسىنداعى قۇرلىقتىق شەكارا 324,8 كم. سۋ شەكاراسى 142 كم قۇرايدى.

اباي-اقپارات