2015 جىلعى 26 تامىزدا ساعات 14.30-دا قازاقستان رەسپۋبليكاسىنىڭ ۇلتتىق مۋزەيىندە قازاق حاندىعىنىڭ 550 جىلدىعى، قازاقستان رەسپۋبليكاسى كونستيتۋتسياسى مەن قازاقستان حالقى اسسامبلەياسىنىڭ 20 جىلدىعى سىندى بيىلعى جىلدىڭ اتاۋلى داتالارى اياسىندا «كونستيتۋتسيا – قازاقستاندىق قوعامنىڭ نەگىزى» دەگەن تاقىرىپتا دوڭگەلەك ۇستەل وتىرىسى ۇيىمداستىرىلادى جانە قازاق قۇقىعىنىڭ تاريحىنا قاتىستى كورمە اشىلادى.

شارا شەڭبەرىندە قازاقستان رەسپۋبليكاسىندا كونستيتۋتسيوناليزمنىڭ قالىپتاسۋى مەن دامۋى ماسەلەلەرى تالقىلانادى.

دوڭگەلەك ۇستەل وتىرىسىنا قازاقستان رەسپۋبليكاسى پارلامەنتىنىڭ دەپۋتاتتارى، عالىمدار، بەلگىلى قۇقىقتانۋشىلار، زاڭگەرلەر، قوعام قايراتكەرلەرى سونىمەن قاتار مەملەكەتتىك ورگانداردىڭ وكىلدەرى قاتىسادى.

باسقوسۋ بارىسىندا 1995 جىلعى قازاقستان رەسپۋبليكاسى كونستيتۋتسياسىنا 1998, 2007, 2011 جىلدارى ەنگىزىلگەن وزگەرىستەرگە ەرەكشە نازار اۋدارىلادى.

قازاقستان رەسپۋبليكاسىنىڭ كونستيتۋتسياسى 20 جىل ىشىندە جاڭا قازاقستاننىڭ تولايىم تابىستارىنىڭ سەنىمدى كەپىلىنە اينالدى.ۇتىمدى قۇقىقتىق جۇيەنىڭ ارقاسىندا ءبىز ەكونوميكالىق ءوسىم مەن قوعامدىق يگىلىككە قول جەتكىزدىك، تىنىشتىق پەن تۇراقتىلىقتى قامتاماسىز ەتتىك.

زاڭنىڭ وزەكتى قاعيدالارىنىڭ نەگىزىندە ەلىمىزدە ماڭىزدى وزگەرىستەر جۇزەگە اسىرىلدى: بۇگىندە ءبىز ەكونوميكالىق جانە ساياسي تۇراقتىلىعىمەن، ونى مەكەندەيتىن حالىقتاردىڭ اراسىنداعى كەلىسىمىمەن جانە ولاردىڭ بىرتۇتاستىعىمەن، جاڭا بيىكتەر مەن تابىستارعا دەگەن ۇمتىلىسىمىزبەن ەرەكشەلەنەمىز.

كونستيتۋتسيا رەسپۋبليكا پرەزيدەنتى كەپىل بولىپ تابىلاتىن ادام قۇقىقتارى مەن بوستاندىقتارىن قۇرمەتتەۋ، نارىقتىق ەكونوميكا، دەموكراتيالىق داستۇرلەر مەن قۇقىقتىق مەملەكەت پرينتسيپتەرىن، پارلامەنتاريزم مەن كونستيتۋتسيالىق باقىلاۋدى، بيلىك تارماقتارىنىڭ ءبولىنۋى مەن كەلىسىلگەن فۋنكتسيالارىن جاقتايتىن قازىرگى قازاقستاننىڭ كەلبەتىن ايقىندايتىن نەگىزگى قۇندىلىقتاردىڭ جۇيەلى زاڭدىق كورىنىسىنە اينالدى. سونداي-اق كونستيتۋتسيا ۇلتتىق قۇقىق جۇيەسىن دامىتۋدىڭ قۇقىقتىق قاينارى بولۋمەن قاتار، قوعامدىق قاتىناستارعا تىكەلەي ىقپال ەتىپ، مەملەكەتكە، قوعامعا جانە ءاربىر ازاماتقا قىزمەت ەتۋدى جالعاستىرىپ كەلەدى.

قازاقستانداعى كونستيتۋتسيوناليزم تاريحىنىڭ تامىرى عاسىرلار قويناۋىنا كەتەدى جانە ول 1465 جىلى قۇرىلعان قازاق حاندىعىمەن تىعىز بايلانىستى.

قازاق قۇقىعىنىڭ تاريحىنا قاتىستى كورمەدەن«قاسىم حاننىڭ قاسقا جولى»، «ەسىم حاننىڭ ەسكى جولى» جانە تاۋكە حاننىڭ «جەتى جارعى» دەگەن زاڭدار توپتامالارىنان باستاۋ العان قازاق قۇقىعىنىڭ نەگىزگى كەزەڭدەرىن كورۋگە بولادى.

قازاقستاننىڭ قازىرگى كونستيتۋتسيالىق زاڭىنىڭ العاشقى ەرەجەلەرى 1917 جىلى 13 شىلدەدە ءى جالپى قازاق سەزىندە جاريالانعان الاش اۆتونومياسىنىڭ ءىى سەزىنىڭ قاۋلىسىمەن تۇجىرىمدالعان (1917 ج. جەلتوقسان).

كورمەگە كەلگەن ادام قازاق اكسر-نىڭ 1926 جىلعى كونستيتۋتسياسىنىڭ، قازاق كسر-نىڭ 1937 جانە 1978 جىلعى كونستيتۋتسيالارىنىڭ جانە قازاقستان رەسپۋبليكاسىنىڭ 1993 جانە 1995 جىلعى كونستيتۋتسيالارىنىڭ نەگىزگى ەرەجەلەرىمەن تانىسۋمۇمكىندىگىنە يە بولادى.

ەكسپوزيتسياعا حاندىق بيلىكتىڭ نىشاندارىمەن بىرگە 1937, 1978, 1993, 1995 جىلدارداعى كونستيتۋتسيالار جانە وزگە دە قىزىقتى ەكسپوناتتار قويىلادى.

دوڭگەلەك ۇستەلدىڭ باستالۋى: ساعات 14.30.

كورمەنىڭ اشىلۋى: ساعات 16.00.

اباي-اقپارات