اباي مۇراجايىندا اقىننىڭ 170 جىلدىعى تويلاندى

ابايدىڭ مەملەكەتتىك تاريحي-مادەني جانە ادەبي-مەموريالدىق قورىق-مۇراجايىندا تامىز ايىنىڭ 21 كۇنى ابايدىڭ تۋعانىنا 170 جىل جانە 23 تامىز تۋعان كۇنىنە ارنالعان «حاكىم اباي» اتتى مەرەكە اياسىندا مادەني شارالار ۇيىمداستىرىلدى.

مەرەكە «اباي» ەسكەرتكىشتەرىنىڭ باسىنا گۇل شوقتارىن قويۋ راسىمىمەن باستالدى. كەلگەن قوناقتار اباي قورىق-مۇراجايىنىڭ «تاقىرىپتىق كورمە» زالىندا وتكەن شىعىس قازاقستان ونەر مۇراجايىنىڭ «اباي. ۋاقىت. ونەر.» كورمەسىنىڭ اشىلۋ سالتاناتىنا قاتىستى.

كورمە اباي قورىق-مۇراجايىنىڭ ديرەكتورى، ف.ع.ك.، دوتسەنت ج.اۋباكىردىڭ قۇتتىقتاۋ سوزىمەن اشىلىپ، شىعىس قازاقستان ونەر مۇراجايىنىڭ ءبولىم مەڭگەرۋشىسى ل.ي.مارتىنوۆاعا ارنايى ءسوز بەرىلدى. اباي مۇراجايىنىڭ عىلىمي قىزمەتكەرلەرى ەكسكۋرسيا جۇرگىزىپ، اتالمىش كورمەنى تانىستىردى.

مادەني شارا اباي قورىق-مۇراجايىنىڭ ءماجىلىس زالىندا اقىننىڭ 1885 جىلعى ولەڭدەرىنە 130, 1895 جىلعى ولەڭدەرىنە 120 جىل تولۋىنا ارنالعان «ابايدىڭ ادەبي مۇراسى» اتتى ادەبي-سازدى كەشپەن جالعاستى.

ادەبي-سازدى كەش مۇراجاي ديرەكتورى ج.اۋباكىردىڭ العىسوزىمەن اشىلدى.

كەشتە سەمەي قالاسىنىڭ شاكارىم اتىنداعى مەملەكەتتىك ۋنيۆەرسيتەتى پەداگوگيكا جوعارعى مەكتەبىنىڭ ديرەكتورى، ف.ع.د.، پروفەسسور ا.ەسپەنبەتوۆتىڭ «ادامزاتتىڭ ابايى»، اباي مۇراجايىنىڭ جەتەكشى عىلىمي قىزمەتكەرى م.مۇحامەدوۆانىڭ «اقىننىڭ 1895 جىلعى ولەڭدەرى» جانە ۇلى اقىننىڭ تۋعان جەرى اباي اۋدانى «قاسقابۇلاق» اۋىلىنىڭ م.اۋەزوۆ اتىنداعى ورتا مەكتەبى ديرەكتورىنىڭ وقۋ ءىسى جونىندەگى ورىنباسارى، قر وقۋ ءىسىنىڭ ۇزدىگى ل.عىلىمباەۆانىڭ «ۇلى اقىننىڭ 1885 جىلعى ولەڭدەرى» اتتى باياندامالارى تىڭدالدى.

كەشتىڭ قۇرمەتتى قوناقتارى سەمەي قالاسى مادەنيەت جانە تىلدەردى دامىتۋ ءبولىمىنىڭ باستىعى ب.كوپبايۇلىنا جانە اقىننىڭ ۇرپاعى ب.ەرساليموۆكە ءسوز بەرىلدى.

شارا بارىسىندا قر مادەنيەت سالاسىنىڭ ۇزدىگى، ءانشى ب.وماروۆ، سەمەي قالاسى مادەنيەت سارايىنىڭ ءانشىسى ج.شاريپوۆ، ابايدىڭ ءان مۇراسىن ناسيحاتتاۋشى شاكىرتى الماعامبەت قاپساليامۇلىنىڭ ۇرپاعى، ءانشى قانات قابىلانوۆتىڭ ورىنداۋىندا ابايدىڭ اندەرى «اتا-اناعا كوز قۋانىش»، «جەلسىز تۇندە جارىق اي»، «كوزىمنىڭ قاراسى»، «ايتتىم سالەم، قالام قاس»، «سەگىز اياق» ورىندالىپ، سەمەي قالاسىنىڭ امىرە قاشاۋباەۆ اتىنداعى فيلارمونيا وركەسترىنىڭ ورىنداۋىندا ابايدىڭ «تورجورعا» كۇيى وينالىپ، اباي اتىنداعى قازاق مۋزىكالىق-دراما تەاترىنىڭ ارتىستەرى «اباي» كومپوزيتسياسىنان قويىلىم كورسەتتى.

وبلىستىق «اباي»، «شاكارىم» وقۋلارىنىڭ، «ابايدى وقى، تاڭىرقا...» بايقاۋىنىڭ جۇلدەگەرلەرى، №15 ورتا مەكتەپتىڭ، 9, 10 سىنىپ وقۋشىلارى ن.تولەۋوۆتىڭ، ز.قادىلبەكوۆانىڭ جانە اباي اۋدانى كوكباي جاناتايۇلى اتىنداعى ورتا مەكتەپتىڭ 11 سىنىپ وقۋشىسى ا.تۇرعازينانىڭ ورىنداۋىندا اقىننىڭ 1885, 1895 جىلعى ولەڭدەرى جاتقا وقىلدى.

كەشكە اباي ۇرپاعى ب.ەرسالىموۆ، قالانىڭ جانە ۇلى اقىننىڭ تۋعان جەرى «قاسقابۇلاق» اۋىلىنىڭ زيالى قاۋىمى، مادەنيەت، اسكەري مەكەمەلەرىنىڭ قىزمەتكەرلەرى، جوو-نىڭ عالىمدارى مەن ستۋدەنتتەرى، بۇقارالىق اقپارات قۇرالدارى قاتىستى.

اباي رۋحىنا تاعزىم

سەمەي قالاسىندا تامىز ايىنىڭ 21 كۇنى ابايدىڭ تۋعانىنا 170 جىل جانە 23 تامىز تۋعان كۇنىنە ارنالعان «حاكىم اباي» اتتى مەرەكە اياسىندا مادەني شارالار وتكىزىلدى.

مەرەكە پۋشكين كوشەسى بويىنداعى «اباي» ەسكەرتكىشىنىڭ باسىنا گۇل شوقتارىن قويۋ راسىمىمەن باستالدى.

مادەني شارا سەمەي قالاسى اكىمىنىڭ ورىنباسارى ن.شاروۆانىڭ العى سوزىمەن اشىلىپ، ابايدىڭ مەملەكەتتىك تاريحي-مادەني جانە ادەبي-مەموريالدىق قورىق-مۇراجايىنىڭ ديرەكتورى، ف.ع.ك.، دوتسەنت ج.اۋباكىردىڭ قۇتتىقتاۋ سوزىمەن جالعاستى. «اباي» ەسكەرتكىشىنىڭ باسىنا گۇل شوقتارىن قويۋ ءراسىمى جاسالىپ، اباي رۋحىنا تاعزىم ەتىلدى.

شارا بارىسىندا سەمەي قالاسىنىڭ مادەنيەت جانە تىلدەردى دامىتۋ ءبولىمىنىڭ باسشىلىعىمەن ارنايى اباي مۇراسىن ناسيحاتتاۋ ماقساتىندا كونتسەرت ۇيىمداستىرىلدى. جاس اقىنداردىڭ ۇلى اقىنعا ارناۋلارى وقىلىپ، اباي اندەرى ورىندالدى.

قادىرمەندى قوناقتار اباي قورىق-مۇراجايىنا شاقىرىلىپ، «اباي» ەسكەرتكىشىنىڭ باسىنا جينالىپ، گۇل شوقتارىن قويدى.

سالتاناتتى جيىنعا سەمەي قالاسىنىڭ اكىمشىلىگى، قالانىڭ زيالى قاۋىمى، مادەنيەت، اسكەري مەكەمەلەرىنىڭ قىزمەتكەرلەرى، جوو-نىڭ عالىمدارى مەن ستۋدەنتتەرى، بۇقارالىق اقپارات قۇرالدارى قاتىستى.

مۇراجايدا ابايدىڭ 170 جىلدىعىنا وراي جاڭا كورمە اشىلدى

ابايدىڭ مەملەكەتتىك قورىق-مۇراجايىندا ۇلى اقىننىڭ 170 جىلدىق مەرەيتويىنا وراي 2015 جىلى 21 تامىزدا شىعىس قازاقستان ونەر مۇراجايىنىڭ «اباي. ۋاقىت. ونەر» اتتى كورمەسى سالتاناتتى اشىلدى.

2014 جىلى شىعىس قازاقستان ونەر مۇراجايى جانە «نۇر وتان» پارتياسى وبلىستىق فيليالىنىڭ ۇيىمداستىرۋىمەن «ابايدى تانىپ، ءبىل!» اكتسياسى اياسىندا بەينەلەۋ ونەرى تۋىندىلارىنىڭ وبلىستىق بايقاۋىندا جۇلدەلى ورىن العان سۋرەتشىلەردىڭ بەينەلەۋ ونەر تۋىندىلارى كورمەگە قويىلدى.

وسى بايقاۋدىڭ ء«مۇسىن»، «تاريحي ناقتىلىق»، «تاقىرىپتى فيلوسوفيالىق وقۋ» جانە «جاس دارىن» اتالىمدارى بويىنشا جەڭىمپازدارى اتالعان وسكەمەندىك ن.اشتەما، ە.تۇرعانباەۆ، سەمەيلىك ت.جۇبانىشەۆ، ع.ماكاروۆ، ت.تاتيەۆ پەن م.قايىرحان سياقتى تاعى باسقا سۋرەتشىلەردىڭ تۋىندىلارى سەمەي جۇرتشىلىعىنا ۇسىنىلدى.

كورمەنى قالامىزدىڭ زيالى قاۋىمى، مادەني مەكەمەلەردىڭ قىزمەتكەرلەرى، قالا قوناقتارى، شىعىس وڭىرلىك قولباسشىلىعىنىڭ مەملەكەتتىك ءتىلدى دامىتۋ اسكەري قىزمەتشىلەرى، سەمەي قالالىق توتەنشە جاعدايلار باسقارماسىنىڭ قىزمەتكەرلەرى جانە مۇراجاي قىزمەتكەرلەرى تاماشالادى.

كورمە 1 اي بويى مۇراجاي كورەرمەندەر نازارىنا ۇسىنىلادى. بارلىقتارىڭىزدى كورمەنى كورۋگە شىقىرامىز!

Abai.kz