شىمكەنتتە جاڭارتىلعان كوپ قاباتتى ۇيلەر قالانىن ءسانىن كەلتىرۋدە. الدياروۆ كوشەسىندەگى 1958 جىلى تۇرعىزىلعان 10 پاتەرلى تۇرعىن ءۇي دە بيىل مەملەكەتتىك باعدارلاما اياسىندا كۇردەلى جوندەلدى. تۇرعىندار بىتكەن ىسكە ءدان ريزا.

قوس قاباتتى ءۇيدىڭ تۇرعىندارى بۇگىن ءماز-مەيرام. كورشىلەر مەرەكەلىك داستارحان باسىنا جينالدى. توزىعى جەتكەن تۇرعىن ءۇي مەملەكەتتىك جاڭارتۋ باعدارلاماسى اياسىندا جوندەۋ كورىپ، سۋ جاڭا باسپاناعا اينالىپ شىعا كەلدى.

وبلىستا مەملەكەتتىك باعدارلاما اياسىندا جۇزدەن استام ءۇي جوندەۋدەن وتكەن. ال ەكى قاباتتى تۇرعىن ءۇيدى جوندەۋگە مەملەكەت قازىناسىنان 5 ملن تەڭگە بولىنگەن. مەردىگەرلەر قۇرلىستى 45 كۇن ىشىندە اياقتاپ، تاپسىرىپتى.

قۇرىلىس بارىسىن تۇرعىندار قالت جىبەرمەي قاداعالاپ وتىرعان.ءۇيدىڭ شاتىرى اۋىستىرىلىپ، پودەز بەن حاسبەتى جوندەلىپتى. مەردىگەر كومپانيا كۇنقاعار مەن كىرە بەرىستى ءوز ەسەبىنەن جوندەپ، سىي جاساعان.

ەندى تۇرعىندار 15 جىل ىشىندە قۇرىلىس شىعىنىن وتەيتىن بولادى. ءار پاتەر يەسى 2 مىڭ تەڭگەدەن 4 مىڭ تەڭگە ارالىعىندا تولەم جاسايدى.

اباي-اقپارات