ۇلى اقىن، ويشىل، قازاقتىڭ جازبا ادەبيەتىنىڭ جانە ادەبي ءتىلىنىڭ نەگىزىن قالاۋشى، اۋدارماشى، فيلوسوف، كومپوزيتور، قوعام قايراتكەرى اباي قۇنانبايۇلىنىڭ 170 جىلدىعىنا ارنالعان مەرەيتوي قاراعاندى وبلىسى اباي اۋدانى اباي قالاسىندا جالعاستى. «الەم تانىعان كەمەڭگەر اباي» اتتى مەرەكەلىك شارالار 2015 جىلدىڭ 12 تامىزىندا ءوتتى. مەرەيتويعا اباي اۋدانىنىڭ اكىمى س.شايداروۆتىڭ ارنايى شاقىرۋمەن ابايدىڭ مەملەكەتتىك قورىق-مۇراجايىنىڭ ديرەكتورى ج.اۋباكىر باستاعان قىزمەتكەرلەر قاتىستى.

مەرەكەلىك شارا شاقىرىلعان قوناقتار، تىلشىلەر جانە ەتنوورتالىقتار وكىلدەرىنىڭ اباي ەسكەرتكىشىنە گۇل شوقتارىن قويۋمەن باستالدى. سونان كەيىن زيالى قاۋىم قالاداعى اباي اتىنداعى مۇراجايعا ەكسكۋرسيا جاسادى. باعدارلاما بويىنشا جوسپارلانعان عىلىمي-تاجىربيەلىك كونفەرەنتسيا اۋداندىق مادەنيەت ۇيىندە ءوتتى. كونفەرەنتسياعا قاراعاندى جانە وبلىسىنان، استانا، سەمەي قالالارىنان كەلگەن عالىمدار مەن ادەبيەت سۇيەر قاۋىم قاتىستى. اكادەميك عالىم، فيلوسوفيا عىلىمدارىنىڭ دوكتورى ع.ەسىم، اقىن ن.ايتۇلى جانە باسقا عالىمدار وي-پىكىرلەرىمەن ءبولىستى. كونفەرەنتسيا «اباي – دارا، اباي – دانا قازاقتا» اتتى ءمۇشايرا مەن «الەم تانىعان كەمەڭگەر اباي» اتتى تەاترلاندىرىلعان مەرەكەمەن جالعاستى. سونىمەن بىرگە قالانىڭ «جىگەر» ستاديونىندا قازاق كۇرەسى ءوتتى. ابايدىڭ مەملەكەتتىك قورىق-مۇراجايىنىڭ قىزمەتكەرلەرى بارلىق شارالارعا قاتىسىپ، ۇلى اقىن مەرەيتويىنا ارنالعان مەرەكەنى وتكىزۋگە اتسالىستى.

اباي قورىق-مۇراجايىنىڭ جەتەكشى

عىلىمي قىزمەتكەرى م.مۇحامەدوۆا

اباي-اقپارات