پەتروپاۆل قالاسىندا كۇرەستەن تۇڭعىش وليمپيادا چەمپيونى جاقسىلىق ۇشكەمپىروۆ تۋرالى «جەڭىسكە دەگەن جىگەر» اتتى دەرەكتى-پۋبليتسيستىك ءفيلمنىڭ كورسەتىلىمى ءوتتى، دەپ حابارلايدى BNews.kz.

كورسەتىلىمگە ءفيلمنىڭ رەجيسسەرى، پروديۋسەرى، اكتەرلەر، سونىمەن قاتار سپورتشىلار مەن قالا تۇرعىندارى قاتىستى.

كارتينادا جاقسىلىق ۇشكەمپىروۆتىڭ تۋعان ساتىنەن باستاپ، بۇگىنگى كۇنگە دەيىنگى ءومىرى بەينەلەنگەن. ءفيلمدى ءتۇسىرۋ بارىسىندا قازاقستان جانە رەسەيدىڭ مۇراعاتتارىنان تابىلعان دەرەكتەر قولدانىلىپتى. سونىمەن قاتار ءفيلمنىڭ تولىققاندى بولۋىنا جاقسىلىق ۇشكەمپىروۆتىڭ جاتتىقتىرۋشىلارى روم يلماتوۆ، ۆلاديمير ۋگرەنينوۆ جانە ۆاديم پسارەۆتەر، سونداي-اق دوستارى، وتباسى جانە سپورت جانە ساياسي قايراتكەرلەر كومەكتەسكەن.

«وسىنداي ۇلى سپورتشىنى مىسال رەتىندە الا وتىرىپ، جاس ۇرپاققا ۇلگى ەتكىمىز كەلەدى. العا ماقسات قويىپ، وعان ۇمتىلۋ كەرەك. ونىڭ ومىرىندە كوپتەگەن قيىندىقتار بولدى، ول سپورتپەن تەك 20 جاسىندا عانا اينالىسا باستاعان، سوعان قاراماستان 29 جاسىندا وليمپيادا چەمپيونى بولدى»، - دەدى فيلم رەجيسسەرى توقتار قارساقباەۆ.

اباي-اقپارات