قوستانايداعى ءىىد مەن «نۇر وتان» جاۋاپقا تارتىلسىن!
ءسوز جوق، وزبىر رەسەيدىڭ – الدىمەن، پاتشالىق، كەيىن سوۆەتتىك – بيلىگىنىڭ قازاقتىڭ ساناسىن ۋلاعانى سونشالىق – ۇلتىمىزدىڭ بوداندىق قامىتىنان بوساپ شىققانىنا شيرەك عاسىردان اسسا دا، كەشەگى قازاق بايلارىنىڭ ەسىگىندە ءجۇرىپ، ەتەگىن سۇيگەن قۇل-قۇتاننىڭ ساناسى تازارماي-اق قويدى...
قىزىل يمپەريا «باي مەن كەدەيدى تەڭەستىرەمىن» دەپ تىراشتانىپ، تەكسىز بايعۇستاردىڭ كور كوكىرىگىنە ساسىق ءتۇتىن ۇرلەگەندە، «سىرتقى ءجۇنىن قامپايتقان» ءشيبورىنىڭ ساپالاق ۇرپاعى «بولىس بولدىم، مىنەكي»-ءدى كوتەرە الماي كوتەرەم بولىپ، كوكشيگەن كوك كوزدىڭ بۇكسىگەن بۇتىنا قۇمارتا بەردى...
رەسەيدىڭ وزبىرلىعى وزعان ەكى عاسىردان استام كەزەڭدە قازاقتىڭ جەتى ۇرپاعى اۋىستى، ياكي، جەتى اتاسى جەتىم-جەسىر، قۇل-قۇتان اۋلەتتەر ارام شوپتەي قاپتادى، قازاق دالاسىن...
سونىڭ ءبىرى - قوستانايدىڭ دۇشپان ءتىلدى قازاعى، «قازاق ءتىلىن - قازاقتىڭ مۇددەسىن ساتقان، مەملەكەتتىك ءتىلدى - مەملەكەتتىڭ مۇددەسىن ساتقان، انا ءتىلىن - اناسىنىڭ تىلەگىن ساتقان» (قازىبەك يسا) - داۋلەت دوسمايلوۆ بولسا كەرەك.
...جول ەرەجەسىن بۇزعان اقتولقىن جانىبەكوۆاعا حاتتامانى ورىس تىلىندە عانا تولتىرۋعا تالاپ قويىپ، ەگەمەن قازاق ەلىنىڭ نەگىزگى زاڭى - اتا زاڭى - قاسيەتتى كونستيتۋتسيامىزعا قارسى اۋىر قىلمىستىق ارەكەت جاساپ; ءتىل تۋرالى زاڭىمىزدى بۇزىپ، مەملەكەتتىك تىلىمىزگە كەرەعار ساياسات ۇستانۋى ارقىلى مەملەكەتىمىزدىڭ قاۋىپسىزدىگىنە قاستىق-قاسكۇنەمدىك، زيانكەستىك جاساعان; سونىمەن قاتار، مەملەكەتتىك قىزمەتكەردىڭ ادەبىنە جاتپايتىن دورەكىلىك جاساپ، ءوز لاۋازىمىن اسىرا پايدالانعان، وسىنىڭ ناتيجەسىندە ازاماتشا ا.جانىبەكوۆانىڭ دەنساۋلىعىنا نۇقسان كەلتىرگەن قوستاناي وبلىسى ىشكى ىستەر دەپارتامەنتىنىڭ سەرجانتى داۋلەت دوسمايلوۆقا قارسى قىلمىستىق ءىس قوزعالۋعا ءتيىس!
قازاقستان رەسپۋبليكاسىنىڭ بىرتۇتاستىعىنا قاۋىپ توندىرگەن قوستاناي وبلىسى ىشكى ىستەر دەپارتامەنتىنىڭ سەرجانتى داۋلەت دوسمايلوۆتىڭ ءبىرىنشى باسشىسى (گەنەرال-مايور ت.س.ماتكەنوۆتەن باستاپ، مايور ماحمۋدوۆ ت.ب.) مەن سوڭعى باسشىسىنا دەيىن ەلدىڭ ىرگەسىنىڭ سەتىنەۋىنە «ۇلەس قوسقان توپتىڭ مۇشەلەرى (نەمەسە باسشىلارى)» رەتىندە تانىلىپ، قىزمەتتەرىنەن شۇعىل بوساتىلىپ، جاۋاپقا تارتىلۋلارى كەرەك!
قازاق ۇلتىنىڭ اتاجۇرتى سانالاتىن قازاقستان رەسپۋبليكاسىنىڭ بىرلىگى مەن ىنتىماعىنا ىرىتكى سالۋشى قوستاناي وبلىسى ىشكى ىستەر دەپارتامەنتىنىڭ سەرجانتى داۋلەت دوسمايلوۆتىڭ ءىسىن قاراپ، اقتاۋعا باعىت العان سوت ء«وز لاۋازىمىنا لايىقتى ەمەس» دەپ تابىلىپ، جۇمىسىنان الىنىپ، قاتاڭ جاۋاپقا تارتىلسىن!
ەلىمىزدىڭ زاڭدارى مەن ەلباسىمىزدىڭ ساياساتىن تياناقتى جۇرگىزۋگە ءتيىس «نۇر وتان» پارتياسىنىڭ قوستاناي قالالىق فيليالىنىڭ باسشىلىعى مەملەكەتتىك ءتىل مەن ازاماتتاردىڭ مۇڭ-مۇقتاجىنا نەمقۇرايلى قاراعاندىقتارى ءۇشىن قىزمەتتەرىنەن كەتىپ، جاۋاپقا تارتىلۋى كەرەك. ايتپەسە، حالىقتىڭ «نۇروتاندى» – «قۇروتان» اتاپ، ات تونىن الا قاشۋى، لەزدە...
...قازاق ءتىلىن مەنسىنبەگەن قوستانايلىق پوليتسيا قىزمەتكەرى، جۇگەنسىز جول ساقشىسى داۋلەت دوسمايلوۆتىڭ ساۋاتسىز ارەكەتى مەن انايى قىلىعى قازاق قوعامىنىڭ ورىندى اشۋ-ىزاسىن تۋعىزدى. قوعام بەلسەندىسى قۋانىش مۇقتاي جاعدايدى ءوز كوزىمەن كورىپ، قۇلاعىمەن ەسىتىپ، زاڭدىلىقتىڭ ساقتالۋىن قاداعالاۋ ءۇشىن وقيعا ورنىنا ارنايى باردى. قازاق مۇددەسىنە قاسكويلىكتىڭ قوستانايلىق ناداندىعىنان شوشىنعان اعامىز: «ۇلتشىلدار مەن پاتريوتتار قايداسىڭدار؟! جايشىلىقتا «ۇلتشىلمىن، پاتريوتپىن!» دەپ كەۋدەسىن تومپەشتەپ جۇرگەن ازاماتتار قوستانايدا بولىپ جاتقان ءتىل قورلاۋ ناۋقانىنا كەلگەندە نەگە تىم-تىرىس جاتسىڭدار؟!. قولداۋ قايدا، قوزعاۋ قايدا، قورعاۋ قايدا؟! جەرىمىزدى الاياق الپاۋىتتاردىڭ يەلىگىنە شۇلەن تاراتقانداي ۇلەستىرىپ جاتىر – ۇندەمەيمىز! جەر استى بايلىعىمىز تونالىپ، ساتىلىپ جاتىر حالىققا تۇك پايداسى جوق – ۇندەمەيمىز! حالىقتىڭ 85 پايىزى اشقۇرساق، قايىرشى كەيپىن وتكەرىپ جاتىر – ۇندەمەيمىز! «جەڭىلەدى» دەگەن جەمقورلىق جەڭىلمەك تۇگىلى ءورشىپ بارادى – ۇندەمەيمىز! ەندى قازاق ءتىلىمىزدى قورلاپ، سوتتا جازالاپ، ءولىم ۇكىمىن كەسىپ جاتىر تىلىمىزگە – نەگە ۇندەمەيمىز؟! ء تىلى ولگەن كۇن – قازاقتىڭ دا ولگەن كۇنى ەكەندىگىن نەگە بىلمەيسىڭدەر؟!» – دەپ، جان داۋىسىن شىعارىپ، شىر-پىر بولدى...
بىراق... ۇيقىلى-وياۋ ۇلىقتى ۇلىس – قالىڭ قازاق «قامىت» كيىپ، قامسىز وتىر...
...ءتىلىن كەسىپ العاندا عانا – تىلەرسەگى قان ساۋلاپ، جان ساۋعالاي ما؟!
قاجىمۇقان عابدوللا
Abai.kz
