قر ەنەرگەتيكا مينيسترلىگى قازاقستان اۋماعىنان مۇناي ونىمدەرىن ەاەو اۋماعى كەدەن شەكاراسىنان  تىس جەرلەرگە اكەتۋگە تىيىم سالدى. بۇل تۋرالى ۆەدومستۆو باسشىسىنىڭ 2015 جىلعى 26 ماۋسىمداعى №437 ءتيىستى بۇيرىعى رەسمي باق-تا جاريالاندى.

«ساۋدا قىزمەتىن رەتتەۋ تۋرالى» قازاقستان رەسپۋبليكاسى زاڭىنىڭ 18-بابىنا جانە ەۋرازيالىق ەكونوميكالىق وداق تۋرالى شارتتىڭ 10-ءبولىمىنىڭ 7-ءشى قوسىمشاسىنا جانە 2010 جىلعى 9 جەلتوقسانداعى قازاقستان رەسپۋبليكاسىنىڭ ۇكىمەتى مەن رەسەي فەدەراتسياسى ۇكىمەتىنىڭ اراسىنداعى مۇناي جانە مۇناي ونىمدەرىن قازاقستان رەسپۋبليكاسىنا جەتكىزۋ سالاسىنداعى ساۋدا-ەكونوميكالىق ىنتىماقتاستىق تۋرالى كەلىسىمگە سايكەس قازاقستان رەسپۋبليكاسىنىڭ مۇناي ونىمدەرى  ىشكى نارىعىندا   مۇلدەم جەتىسپەۋشىلىكتى جانە باعانىڭ ءوسىمىن بولدىرماۋ ماقساتىندا ەۋرازيالىق ەكونوميكالىق وداقتىڭ كەدەن شەكاراسىنان تىس جەرلەرگە قازاقستان رەسپۋبليكاسىنان تۇرمىستىق پەش وتىنىنان باسقا جەڭىل ديستيلياتتاردى (سەق تن كەو كودى 2710 12), ورتاشا ديستيلياتتاردى، كەروسيندى، گازويلداردى، ديزەل وتىنىن (سەق تن ەەو كودى 2710 19 110 0 - 2710 19 290 0, 2710 19 350 0 - 2710 19 480 0, 2710 20 110 0 - 2710 20 190 0) جانە وزگە مۇناي ونىمدەرىن (سەق تن ەەو كودى 2710 20 900 0) اكەتۋگە التى اي مەرزىمگە تىيىم سالۋ ەنگىزۋدى بۇيىرامىن»، - دەلىنگەن قۇجات ماتىنىندە.  

اباي-اقپارات