ەكى جىلدان استام ۋاقىت بۇرىن بىرىككەن كورولدىكتىڭ سوتى سىرىم شالاباەۆتى 18 ايعا باس بوستاندىعىنان ايىرۋ جازاسىنا كەسكەن، بىراق ول ءادىل سوتتان جاسىرىنعان سوڭ، وعان ىزدەۋ جاريالاندى. بۇل تۋرالى قازاقپارات جازدى.

س.شالاباەۆ جەزدەسى بولىپ تابىلاتىن بتا بانكى باسقارماسىنىڭ بۇرىنعى توراعاسى مۇحتار ابىليازوۆپەن جانە وزگە تۇلعالارمەن بىرگە قازاقستان، ۋكراينا، رەسەي جانە باسقا ەلدەردە بىرنەشە ميلليارد دوللار كولەمىندەگى سومانى قۇرايتىن مۇلىكتى ىسىراپ ەتۋ نەمەسە يەمدەنۋ فاكتىسى بويىنشا كۇدىكتى دەپ تانىلعان بولاتىن. ۋكراينا ەلى س.شالاباەۆقا ينتەرپول ارنالارى بويىنشا حالىقارالىق ىزدەۋ جاريالادى. ۋكراينادا ول 300 ملن. دوللاردى قۇرايتىن مۇلىكتى يەمدەنگەن نەمەسە ىسىراپ ەتكەن. 

اباي-اقپارات