عۇن قازاق جəنە اريلەردىڭ ءوزارا تۋىستىق بايلانىسى انىقتادى. بۇل جونىندە قر پرەزيدەنتى جانىنداعى وكق-ءنىڭ "ەلدىڭ تاريحى مەن مəدەنيەتى - بولاشاعى تۇتاس ۇلت" تاقىرىبىندا وتكەن بريفينگ بارىسىندا قر ۇلتتىق كىتاپحاناسىنىڭ ديرەكتورى الىبەك اسقاروۆ عالىمدار زەرتتەۋىنە سۇيەنە وتىرىپ مالىمدەدى.

زەرتتەۋشى عالىمدار قازاق حالقىنىڭ دنق-سىن (دنق - دەزوكسيريبو نۋكلەين قىشقىلى، گەنەتيكالىق اقپاراتتى تاسىمالداۋشى مولەكۋلالار، ءتىرى اعزاداعى گەنەتيكالىق اقپاراتتىڭ ۇرپاقتان-ۇرپاققا بەرىلۋىن،ساقتالۋىن، دامۋى مەن قىزمەتىن قامتاماسىز ەتۋىنە جاۋاپتى نۋكلەين قىشقىلىنىڭ ءبىرى - رەد.) ەجەلگى جاۋىنگەر حالىق حۋننۋ (عۇن) مەن اريلەردىڭ دنق-سىمەن سالىستىرعان .

«ناقتىلاپ ايتساق، وسىدان 4000 جىل بۇرىن ءومىر سۇرگەن اندرونوۆتاردىڭ گەنى قازاقتاردىڭ قازىرگى تابىن رۋىندا كەزدەسكەن. دۇنيە جۇزىندە ەڭ العاشقى بولىپ جابايى جىلقىنى قولعا ۇيرەتىپ، دوڭگەلەكتى اربانى ويلاپ تاپقان دا وسى اريلەر بولعان. ال «حۋننۋ»، كەيىننەن عۇن اتانعان حالىق ءبىزدىڭ قازىرگى كەرەي، ۋاق، سىرگەلى رۋلارىمەن تۋىس بولىپ شىقتى. ەجەلدە الىپ يمپەريا قۇرعان قيداندار بۇگىنگى نايمانداردىڭ اتا-تەگى ەكەندىگى ايتىلۋدا. عالىمدار مۇنداي قورىتىندىعا قىتايدىڭ سولتۇستىگىنەن تابىلعان ەگەن گول، ءدۇرلى ناس، بار كول قورىمدارىندا جەرلەنگەن جاۋىنگەرلەرىنىڭ دنق-سىن زەرتتەۋ ارقىلى كەلىپ وتىر»، - دەيدى Əلىبەك اسقاروۆ.

اباي-اقپارات