2015 جىلدىڭ العاشقى جارتى جىلىنداعى تازا ينۆەستيتسيالىق تابىس سوماسى 141,41 ملرد تەڭگەنى قۇرادى. بيىلعى جىلدىڭ 1 شىلدەسىندە شارتتاردىڭ بارلىق ءتۇرى بويىنشا سالىمشىلاردىڭ جەكە زەينەتاقى شوتتارى (جزش) 10 043 572 بىرلىككە جەتىپ، زەينەتاقى جيناقتارىنىڭ جالپى سوماسى 4,92 ترلن تەڭگەدەن استى، دەپ حابارلايدى Bnews.kz.

بۇل رەتتە سالىمشىلاردىڭ (الۋشىلاردىڭ) جزش سانى مەن زەينەتاقى جيناقتارىنىڭ جالپى سوماسى بويىنشا ءبىرىنشى ورىندا الماتى (1 493 103 جزش، 973,4 ملرد تەڭگە), ەكىنشى ورىندا استانا 622 906 جزش، 466,7 ملرد تەڭگە), ءۇشىنشى ورىندا قاراعاندى وبلىسى (768 141 141 جزش، 436,6 ملرد تەڭگە) تۇر.

جىنىسىنا جانە جاسىنا قاراي العاندا زەينەتاقى جيناقتارىنىڭ ەڭ كوپ كولەمى 35-37 جاس ارالىعىنداعى ەرلەر مەن 37-39 جاس ارالىعىنداعى نازىك جاندىلارعا تيەسىلى ەكەن.

«بجزق» اق باسپاسوز ورتالىعىنىڭ مالىمەتىنشە، 2015 جىلدىڭ 6 ايى ىشىندە بجزق-دان 73,80 ملرد تەڭگە زەينەتاقى تولەنگەن، ونىڭ ىشىندە ساقتاندىرۋ ۇيىمدارىنا اۋدارىمدار – 7,55 ملرد تەڭگە.

قور كورسەتەتىن ەلەكتروندىق قىزمەتتەر تانىمال بولا باستادى. بۇگىننىڭ وزىندە شامامەن 700 000 سالىمشى (الۋشى) ءوزىنىڭ جەكە زەينەتاقى شوتىنىڭ (جزش) جاعدايى تۋرالى اقپاراتتى e-mail جانە بجزق ۆەب-سايتى (www.enpf.kz) ارقىلى الا الادى. جزش-دان اقپارات الۋ ءتاسىلى رەتىندە 300 مىڭعا جۋىق ادام ەلەكتروندىق پوشتانى جانە 400 000 ادام قور ۆەب-سايتىن تاڭداپ العان. 

ءوزىنىڭ جزش جاعدايىن تەكسەرۋدىڭ تاعى ءبىر كەڭىنەن تاراعان ءتۇرى – سمارتفوندار مەن پلانشەتتەرگە ارنالعان ENPF ۇيالى قوسىمشاسى. كۇن ساناپ، قوسىمشانى جۇكتەپ الۋ سانى ارتىپ كەلەدى. 2015 جىلعى 1 ماۋسىمدا ENPF قوسىمشاسى شامامەن 45 000 رەت جۇكتەلىپ الىنعان.

بيىلعى جىلدىڭ اقپان ايىندا بجزق سالىمشىلارى وزدەرىنىڭ زەينەتاقى جيناقتارى تۋرالى اقپاراتتى e-gov ەلەكتروندىق ۇكىمەت پورتالىنان جانە حالىققا قىزمەت كورسەتۋ ورتالىقتارىنان (حقو) الۋ مۇمكىندىگىنە يە بولدى. قىزمەت ىسكە قوسىلعان ساتتەن باستاپ 1 شىلدەگە دەيىن e-gov ارقىلى 34 مىڭنان استام ءۇزىندى كوشىرمە الىنىپتى.

بۇل تۇراقتى تەندەنتسيا كەلەشەكتە حابارلاۋدىڭ ءداستۇرلى تاسىلدەرىنىڭ ورنىن ەلەكتروندىق حابار تاراتۋ باسادى دەپ بولجاۋعا مۇمكىندىك بەرەدى. بجزق ءوز تاراپىنان ەلەكتروندىق قىزمەتتەردىڭ مۇمكىندىكتەرىن ۇنەمى جەتىلدىرىپ وتىرادى.

BNEWS.KZ