بۇرىنعى كسرو-نىڭ حالىق ءارتىسى، بۇگىنگى رف مەمدۋماسىنىڭ دەپۋتاتى يوسيف كوبزون ءپۋتيننىڭ ەكىنشى ايەلى تۋرالى بىلەتىندىگىن ايتىپ ءجۇر.

«جۋرناليستەر مەنەن «پۋتين قاشان ۇيلەنەدى؟» دەپ سۇراپ قويمايدى. اسىرەسە، شەتەلدىك جۋرناليستەر وسى سۇراقتىڭ جاۋابىن ەستۋگە اسا ىنتىق. مەن ولارعا پۋتين ەكىنشى رەت باياعىدا ۇيلەنگەن دەپ جاۋاپ بەرەمىن. ال، ولار تاڭ قالىپ: «توي قاشان بولادى؟» دەپ سۇرايدى. مەن ولارعا ايتامىن، پۋتين رەسەيگە ۇيلەنگەن دەپ. ال، ەگەر شىندىعىنا كەلەر بولساق، پۋتين ءۇشىن رف-دان باسقا ەشتەڭە دە جوق»، - دەيدى يوسيف كوبزون.

 كوبزوننىڭ ويىنشا، ۆلاديمير ءپۋتيننىڭ رەسەي فەدەراتسياسىنا دەگەن ماحابباتى بۇل ەلدى جويىلىپ كەتۋدەن ساقتاپ تۇر. «ەگەر پۋتين قانداي دا ءبىر سەبەپپەن پرەزيدەنتتىك بيلىكتى تاستاپ شىقسا (ماسەلەن، شارشاپ، قاجىپ), رەسەي ءومىر ءسۇرۋىن توقتاتادى»، - دەگەن سوزدەردى ايتادى دەپۋتات-ءارتىس.

اباي-اقپارات