گاۆانا مەن ۆاشينگتوندا بۇگىن، 20 شىلدەدە ەلۋ جىلدان بەرى ءبىرىنشى رەت اقش پەن كۋبانىڭ ەلشىلىگى اشىلدى. بۇل تۋرالى BBC جازدى.

ەكى ەل اراسىنداعى ساياسي قارىم-قاتىناس 1961 جىلى سالقىنداعان. سالدارىنان اقش كۋبامەن اراداعى ساۋدا ارىپتەستىككە ەمبارگو قويعان.

1977 جىلى اقش پەن كۋبادا ديپلوماتيالىق ميسسيا وكىلدەرى جۇمىس ىستەگەن. «مۇددە ميسسياسى» اتالعان بۇل ديپلوماتيالىق قادام شۆەيتساريانىڭ قورعاۋىندا بولعان. الايدا، ەكى ەلدە ەلشىلىك مارتەبەسىنە قول جەتكىزە الماعان.

2014 جىلدىڭ سوڭىنا قاراي سولتۇستىك امەريكالىق ەكى ەل اراسىندا ديپلوماتيالىق جاقىندىق قالىپتاسا باستادى.

بيىلعى جىلدىڭ ساۋىرىندە اقش پرەزيدەنتى كۋبانى تەرروريزمدى قولداۋشى ەلدەر قاتارىنان شىعارۋعا شەشىم قابىلدادى.

ءوز كەزەگىندە كۋبانىڭ مەملەكەتتىك كەڭەس باسشىسى راۋل كاسترو ەكى ەل اراسىنداعى ديپلوماتيالىق دوستىقتى تولىقتاي قالپىنا كەلتىرۋ ءۇشىن اقش-تان ەمبارگونى تولىقتاي الىپ تاستاۋدى تالاپ ەتكەن.

اباي-اقپارات