قىرعىزستان قازاقستاننىڭ 800 مەتر شەكاراسىن قولدانۋعا بەرۋدى سۇرايدى.

"بىشكەك اقشامى" گازەتىنىڭ جازۋىنا قاراعاندا، 19 شىلدە كۇنى قازاقستاننىڭ پرەمەر-ءمينيسترى كارىم ماسىموۆپەن ەكىجاقتى كەزدەسۋ بارىسىندا قىرعىزستان مينيسترلەر كابينەتىنىڭ باسشىسى تەمىر ساريەۆ  وسىنداي ۇسىنىس جاساعان كورىنەدى. 

ساريەۆتىڭ سوزىنە سۇيەنسەك، تومكوك قالاسىنىڭ ماڭىنداعى ىستىقكولگە اپاراتىن بىشكەك-نارىن-تورىعارت اۆتوجولى قازاقستان ايماعى بويىمەن ترانزيت ارقىلى ءوتىپ جاتىر. ونىڭ ۇزىندىعى 800 مەتر.

ء“بىز بىشكەكتەن ىستىقكولگە باعىت العاندا جولدىڭ كەي بولىگى قازاقستان شەكاراسىن كەسىپ وتەدى. 800 مەتر كولىك جولى شەكارانى كەسىپ جاتقاسىن وسىنداي ءتۇيىندى ماسەلە پايدا بولادى. ءبىز ءوز تاراپىمىزدان اتالمىش شەكارالىق ايماقتى پايدالانۋعا رۇقسات بەرەتىن جەكە كەلىسىمدى قابىلداۋدى ۇسىنامىز. جاقىن ارادا ءبىز ورتاق ەكونوميكالىق وداق قۇراتىن بولامىز. ەگەر بۇل كەلىسىمگە قول قويىلاتىن بولسا، ءبىز بۇل جول ۋچاسكەسىن ءوز قاراۋمىزعا الۋعا تالپىنامىز”، – دەيدى ساريەۆ.

اباي-اقپارات